Махачкалдид мэре Джамбулат Салавова гьухьур, 2030-хьусды сыдыйыкьама сиене 822 етим-хынимешис, учура люздир ад, выси ц1инды хал-лах. Мистед сыда квартирабыр выси 68 инсанас, йыкьасды сыда выс хьур а гене 120 етимес.
Махачкалдид кьухьдыбише плынди ийир а 2030 сыдыы йыхы1р бегьем гьаъас хьур кьуле йыгыр суал ц1инды хал-лах высды етим-хынимешис. Гьа хабар ТАССад агентствадис выъыр ай шегьердид мэре Джамбулат Салавова.
«Мистед сыда 68 етим-хынхыс выси ц1инды квартирабыр, ва йыкьасды сыда плынди а ц1инды хал-лах высна аадыкьул 120 инсындис. Тангабыр гьадид бадана гьагур а, халбыр луза гьаъара а. Е чалыш диъи бегьем гьаъас сиене лаазимды гвалахбыр апреляйыкьама 2026 сыдыд. Умуд ваъара, 2030 сыда е халбыр выс хьур сиъинбишис учура люздир ад. Эккед гьа1йиб йиъи, етим-хынимер маджбыр дишин гют1ес джва1ршис тааликьды закунда квартирамыхьде», — гьухьур Салавова.
Гьанийды ч1елмыхьван, гъийгъа Махачкалди халмыд учура люздир а 822 хыных. «Гьабишикла 240-ныйде ханийиъи судад кьарарбыр хал-лах высды. Ихьды ферз виъи гьа суал кьуле йыгыр бегьем гьыъын», — гьухьур мэре.

Б. МЫХАIДЫ