РД-над Халкьдид Маджлисед президиумара Заур Аскендерова выгыд ашкара гьыъыр выгыргасды йыгъ 47-хьусды сессия парламентед йывыдхьусды созывад, регионад иджласад пресс-службадире выъыд хабардихьван.
Сессия викиси 23–хьусды сентябрес сагьа1т 10-дис Махачкалди. Гьа йыгъа агъмиш гьаъас повесткади кийир ад 33 суал.
Каникулмыла хъуъды сахьусды президиумад иджлас ачых ваъади, РД-над Халкьдид Маджлисед Седрие Заур Аскендерова гьухьур, гвалах лувза джывыъыр выгыргара ай отпускади ад вахтиндики депутатар.
«Депутаташе чалыш дишир ваъара ай гвалах сиене лаазимды суалмыд бадана», — гьухьур седриере.
Хьели гьание эккед кьимет выр сечкимыс ерлид органма йыгыд. «Сечкибыр йыгыр ай гюзет гьыъыр сиене нормабыр избирательный законмыд», — гьухьур Заур Аскендерова, ва сагъул выъыр сиене депутаташис Дагъыстанад иджласад куьмег вынис гюре гьамыс гьазырвалдыбыр гьаъас ва кьуле гыргас.
Викисды сессияди, гюзет гьыъыр «парламентский час», хъадацусды йиъи Дагъыстан Республикадид энергетикадид ва тарифмыд министред Марат Шихалиевад докладахда шууна кьуле выгыргара ади регионад программа «Газификация жилищно-коммунального хозяйства, промышленных и иных организаций Республики Дагестан на 2022-2031 г.»-хьур.
Президиумара гене агъмиш гьыъыр федеральный законмыд проектбыр, сигыр ад парламенте сыт1а кьуле гыргас, ва эгъет1ир кьарар кьабыл гьаъас хьур 43 сигыр ад 56 проектекла.

Б. МЫХАIДЫ