19 ноябрес МыхаIд райондид кьухьныйды кабинете выр ай хал-лах дюз-дюзгин гьаъасды сертификат Чеченешды Республикади вишид даIгьвиед иштракчи Фирудин Рагамудинович Абакаровас.
Гьа сертификат выр ай ветеранас райондид кьухьды Сулейманов Давуд Амаевиче ва МыхаIд райондид УСЗН идарадид къуьные Магомедрагимов Амур Магомедовиче.
Джуду суруула, Давуд Сулейманова къутливалдыбыр гьыъыри ветеранас, вирзири гьанийды йигитвалды ва дирибашвалды, гьагва гьыъыд гьание Ватан бадана.
Амур Магомедрагимова ки къутливалдыбыр гьыъыри Фирудин Абакаровас сертификат лешунис гюре, гьухьур, гьа гвалах кьуле выгыргас ийишири Дагъыстанад гвалахад ва социальный развитиедид министред Кихасуров Магомедзагид Магомедовичды кюмгихьван.
Йе эккене шад диъи ихьды ветеран Фирудин Абакаровад гьунурды ва мысга гьазыр диъи хыл-худ йывхыIc ва мадды еда ляIгъуIд куьмег выс ихьды даIгьвима иштрак гьыъыбишиски ва гьаъараабишиски, гьухьури райондид кьухьные.

Насир ибрагимов