7-хьусды ноябрес 2024-хьусды сыда МыхаIд райондид кьухьнийды заместитель Насир Раджабов хаIсил йишир ай  МыхаIдид сельсоветед седри Раджаб Гасантаевахьван на военно-учебный устIулад гвалахбыр кьуле гыргад Ширинов Шириныхьван.
Гьа иджласа хьуъ гетIир ай суалбыр хумухтид призывад на контрактный службадид — агитациедид гвалах шууна дуьзене кьуле выгыргасди. Ва артухана убур йыхыр ай  контрактный службадид суалас, джигьилер шууна дуьзене кьуле эдир йигарди гьа шыв программа виъиди.
-Йе, ихьды сураа, сиене лазим йиъид куьмегбыр вылцIара ани йиъи ва мидыла хъуъ ки выс гьазыр диъи  цIинене эскерваIле дуруъура ад гадийшис ва контракт китIес йигадбишис, — гьухьури  Насир Раджабова.

Зарема Исрафилов