Гьакьаллы гихьир йыгара, ахмакьас хатир аджадгын бадана.
Джадахъан мыкьынире йикьисди, дибир га1шинире.
Дид йикьисды гьац1ырийдин, тезед ц1икенехьван кырха1 гьаъасий.
Сухьде йыма1л кибт1е ваъ, хьа1ли Аллагьа тапширмиш ваъ.
Хумухдид хинкьар хьуйла1хьа руъура, хьадид ка1шир хьымыле.
Дыныд ухурара ха1л хакьасдиш, джаллат накьуды ка1се йикисдиш.
Усуд кьат1 архыйин и, балта хыле ле1шусмады.
Ха1р былахад кьулу джуды аждагь гъа.
Шалам хьулихье йишихьвна, гъил гьутхьвасдиш.
Киджирхъас йыгардиш — ка1се и, йикьис йыгардищ — мук1а и.
Вахт ес икьрар джившихьвна, е вахтиндис дишир йыгара.
Гич1 гивихьвна мыхьджеб гьаъаси, га1ш кывыхьвна — дагулды.
Дуьзды ера ыджыйхьа1д, къуе ма1хькам йикиси.
Мич1ри а, хьур, сиенебыр выг1ле диш, мич1ри гы1тирихда ки а.
Са йыгъа дибиред рышки гунагь кар рикиси.
Ц1ай лидхьунийды и гъил гьутхьвасды.
Вышед мийманад гич1 йа1кхьван ухъу1вгъу1ре.
Бармакара кьул увухьуси, хьур, фикир мываъ.
Йыхана и, писене и вы накьудире ухьу1й.
Лыкьырда деве йивигас йич1есдиш, девиеда ха1ле ливчес йикисдиш.
Мич1ир йиц1а ха1дждис выхьыйне, садаки убул ха1сил вишир адиш.
Зер везере ха1ред джаъад, гьат1уд кавал рихьис джац1ад.
Мукъа1 ад варлыере хал сихьиси, бана гъад варлыере хы1б уху1си.
Везед мулк бала ад касиб йикисдиш, вырды лакьа ул ад варлы йикисдиш.
Къаргъышере дыкьыркьасды йишихьвна, ярах лазим мадиш.
Сехьыдис виригъ ливеси, къуруды чизан сидхьуси.
Карван хъа1бхьыйнеки, карван-сарай гимада.
А1къа1нь хьидире вихисдиш, я ц1ыере гьубхьвасдиш.
Лыкьырире хар лугъуйне кьул увухьу1ре, гьугъал лугъуйне — шаракмар.
Рухьу1хъанад хьыв хьидикла гьаъад йиъи.
Тухьвагнбыр игъидхьуйне. Куругъли сухъугури.
Лийич хьунийды гъил кьат1 йикисдиш, лийчинийды йикиси.
К1ухь кыджыхьы1р тарлан вишир а, кьыле джвыъыр дибир йишир а.
Халвыдид ер ра1кънид у виъи.
Гьугълала яхыд высныхьде гирхьури.
Хала ади йыха дишнийис, дама йыхьыр ки йыха диш.
Га1шние фикир хьывакла ваъара, тухние — бахтикла.
Гъил кьат1 йишид ц1ийы у, лувкур хук кьулу сывхьыри.
Белидикла гихъирхьуд, делинийы лирхьури.
Г1а1лим ка1се йишир ки, г1ы1лим абгаси.
Кьа1рды гъа1ляа юкьды ч1елбыр эгъмелиъ.
Бийзат РАМАЗАНОВА
