Гьасад ц1инды кьарар кьабыл гьыъыр а Дагъыстандид Минобрнаукадире профсоюзмыхьван сыт1а. Документ саглосавать гьаъара а, гьа кьабыл гьыъыр йыгад йиъи 1-хьусды октябрь вуруъума.Гьа гвалахад хабар выъыр ай Дагъыстандид образованиедид ва наукадид врио министре Яхья Бучаева магьа1лимешды Августовский иджласа.
Ведомставдид кьухьние ч1ел сивтир муниципалитетма ад кьухьдыбишды гвалахмы ки.Шумаиди тапширмиш дыъыр ки ва джат1ур йыгырди ки мониторинг, нагьакьна, ч1ирине бала гьаъара штатбыр, джыъыр бала дарсымыла хъуъды сагьа1тбыр, бала хъыджыъыр дуллухбыр магьа1лимешды, гьухьур министре.

Б. МЫХАIДЫ