2800-ла балад дагыстанабыр сидиргара а армиди хумухдид призывад кампаниедис, РИА «Дагестана» выгыд брифинге выъыд хабардихьан республикадид военный комиссара Абдурахман Мурадханова.
Ц1инене йиъи призывад магьра1катбыр гыргара ад сен сыдыд арыди, ва воинский учет на призывникешихьанды гвалах кьул-джубырна выгыр а цифровой формата.
«Российский Федерациедид Президентед Указ кьуле выгын бадана армиди призывать дыъыр войскама сидигыр йыгара 2800-ла балад инсанар. Гьа гвалах кьуле выгын бадана республикади гьыъыр а 53 призывад комиссиябыр. Призывникешды медосмотр гыргас гьазыр дыъыр а 500 духтур на ва медицинский къуллухчиер», – гьухьур Мурадханова.Гьанийды ч1илмыхьан, гьамыъ инсанашда, призывак китхьуд, йикис сыдыд арыды гыргас медицинское освидетельствование ва профессиональный психологический отбор.
«Гьадире раха1т ваъас призывад пунктмыд гвалах, йыхана выгыргас йикиси призыв ва йикиси призывникешда телесых джитшир кьуле гыргас сиене лазимды магьра1катбыр армиди дуруъусма», – гьухьур военкома.
Гене гьухьур, гъийгъад йыгъахьан ц1инды отправка йикисма призвать дыъыр а 50%-ла балад инсанар гьагва гьыъыр ад заданиедикла. Призывной комиссиедид кьарар гьа арыди йикиси гьакьды-кьулды сыдыд арыды перерывбыр адишне.
РФ-дид Вооруженный Силама сидиргад вахтбыр дегиш йишир адиш. Джигьил инсанар джуьхьды служба выгыргасды ермы сидигас сыда кьу1не хылис – 1 апреляла 15 июля йыхы1р ва 1 октябряла 31 декабря йыхы1р.
«Арми ливиси джала хьуъ ка 12 вазыра.», – гьухьур Мурадханова.
Гьамыъды вахтиндихьан военкоматмыд гвалах выгыргас бала джетин виъи автоматизация адишне учетно-призывной гвалахад. Призывад магьра1катбыр гыргара а воинский учетат Реестрехьан, военный комиссара выд киметдыхьан, йыхана выгыргад гвалах. Повестка, гьыъыр ад ишлемиш гьыъыр реестр, сиргара инсанас кагъатахьан на электронный почтадыхьан, лийир гьа сиенебишис гьагвад реестра. Уведомление гьадид руъура «личный кабинете» «Госуслуги» портала гъад.
«Гене гьа системади ад бала лазимды кар – вахтинди отсрочкабыр вын. Студентешды сведениебыр, дидабашды кьва1р ва балад хынимер ад, IT-специалистешды автоматически гьац1ара руъура гвалах ваъад идарамыла хьуъ», – ихтилат гьыъыр военный комиссара.
Гьадис гюре хьибды гьагъзырала балад инсанашис выр а отсрочка яки геедир а призывакла джва1р военкомата джидкьыр.
Гьадыла саваенди, «Госуслуги»-ма инсанашда йикиси выс гьа1рзе воинский учета луза гьаъ хьур яки гьадыла сехъеръэ хьур. Сыда выгыд реестрахьан гвалахара кьуле выгыр а юкьды гьагъзырала балад гьа1рзебыр. Джуды, ха1р са инсанад, сведениебыр, воинский учетад Реестра ад, лешус йикиси МФЦ-да яки «личный кабинета» «реестрповесток.рф» сайта гъад. Мурадханова гьухьур, гвалах выгыргади джураана убур рыхы1ре гъигъе выъынис информацие.
Медицинский осмотр гыргади эккене ишлемиш гьаъара регионмыд медицинский информациедид системабыр. Гьадире раха1т руъура духтурашис к1ыбды гьац1ара гьаъас призывникешды джан сагъ йиъиме, дишме.
«Инсанашис, гьа рухьуд ч1ел виъи, больницама джыдхьыйне ки йикис хьур лазимды справкамыхда», – кьуле эдир Абдурахман Мурадханова.
Гьанийды ч1илмыхьван, ц1ине выъыр выгыргара ад учетно-призывной гвалахахьан Дагъыстандис гьагва гьыъыр ад задание, инсанар армиди сидыгынид апрелес-июлес 2026 сыда, вахтинди сиене кьуле йыгыр бегьем гьыъыр а.
Хьадид кампание ади йыхана гвалах выгыр ай хьуланды военный комиссариатмыра: Махачкалдид, Кизилюртдид, Хасавюртад, Избербашдид, Кизлярад ва Южно-Сухокумскадид, гьадыла саваенди Кизилюртовский, Кумторкалинский, Хасавюртовский, Новолакский, Каякентский, Карабудахкентский ва Кизлярский муниципальный образованиемыд.
Йыхды гвалах выгыр ай хьуланды муниципальный районмыд комиссариатмыра: Тарумовский, Ногайский, Хунзахский, Казбековский, Гумбетовский ва Бабаюртовский.

Б. МЫХАIДЫ