Административный совет вишир ай

..

4 октябрес Дом культурадид актовый зала вишир ай МР «Рутульский район» администрациедид Административный советед заседание. Гьади иштрак гьыъыр райондид Кьухьды И. Г. Ибрагимова, райондид депутаташды меджлисед седри А. Р. Тагирова, районди ад ху1киметед идарамыд кьухьдыбише, депутаташе, му1къмыд сельсоветмыд седрийше, мехьтебырмыд директораше, журналистеше ва маддыбише.Заседаниеди агъмиш гьыъыр ай кьва1д суал:
1. Райондид больницадид 9-ды вазыра выъыр ад гвалахад отчет;
2. Гьили ливкьыр ади кьы1дид гьазырвалды кьылевыъынид ва культурадид идарама.
....

Салам сувгъуда хъуъ, райондид Кьухьды Ибрагим Гусейновиче выъыр ачых заседаниедид гвалах. Сахьусды суалад бадана ч1ел выри райондид больницадид баш духтурас И. Ш. Алиевас (гьанийды отчет е мирджед газета урус ч1илыла лиес).
Генеки гьа суалад бадана далгыри:
1. Хъылдабишды (с. Хлют) духтурашды амбулаториедид заведующая Э. М. Акимова;
2. Ц1ахы1ребишды духтурашды амбулаториедид заведующий Н. С. Курбанов;
3. Лычекдибишды ФАП-ад заведующая Р. М. Шахбанова.
Кьва1дхьусды суалад бадана гьалгыри райадминистрациедид ОСА ва ЖКХ-дид начальник Т. К. Султанов. Гьанийды ч1елмыхьван, гаджадкьы1р ад джетинвалдымыхда баласды кьылебырмыд ва культурадид идарама бегьем ваъара а кьы1дис гьазырвалды – дюз-дюзгин хъаъара а отоплениемыд котелбыр, лешур а ва лебшура а пичбыр, гьамыс дурбабыр, йихири а лазимды усбыр на к1а1шен.
Баласды идарама ад джетинвалдыбыр — йисе йишин ад к1ыбдид отоплениедид котелбыр.
Гьадыла саваенди, сиене джигима йыгыр а капитальный ва текущий ремонтбыр, дюз хъыъыр а водопроводбыр, дегиш гьыъыр йисды дурбабыр.
Ми суалад бадана гене далгыри:
1. Мыха1д Идаят–муалимед дур гъад сахьусды мехьтебед директор Я. Г. Таибов;
2. Мишлеш мехьтебед директор И. Ибрагимов ва маддыбыр (Мишлешед мехьтеб кипхьур а республикадид программадик «Сто школ» хьур).
Заседаниеди генеки агъмиш гьыъыр ай суал, шыв ха1ле ади райбольницадид архивный гвалах. Гьа суалад бадана лалгыри райондид архивед идарадид кьухьды Лейла Рамазанова.
Сиене агъмиш гьыъыд суалмыд бадана эгъет1ир лазимды постановлениебыр.
Райондид кьухьние сагъул-варулбыр гьыъыр йыхана гвалах ваъад кьухьдыбишис ва хайиш гьыъыр тимбыйдыбишда генеки чалыш диш хьур ха1ркиси джуду ера.
Ягъмишдишибишды дуруула ва джуды дуруула Ибрагим Гусейновиче къутли выъыр сиене райондид магьа1лимешиc джуьхьды профессиональный байрам.

Б. МЫХАIДЫ