Ольга Васильева: «Дагъыстанахда эккед потенциал а кьылевыъынид»

20171109_110018

Дагъыстанад Врио Кьухьды Владимир Васильев на Россиядид кьылевыъынид Министр Ольга Васильева ха1сил дишир 22 ноябрес Махачкалди.
Далгыр бегьем дишида хъуъ гьабише кьабыл дыъыр журналистер, гьабишис федеральный Министерствадид кьухьние ихтилатбыр гьыъыр региона выгыд кьвунды йыгъад арыди гвалахад.
«Зы сахьусды хыл диш Дагъыстана ад, амма министр риъине сахьусды хыл йиъи. Миди ешемиш диъи бала уфтанды илсанар, гьабишихда а эккед потенциал — за кьылевыъыникла рухьура ад.
Миди ешемиш диъи илсанар, бала йыгара ад гвалах ваъас, джуьхьды хынимер хъыдгад. Зы ха1сил ришир кьаъды му1къмыд магьа1лимешихьван ва вузмыд, мехьтебырмыд, лицеймыд педагогашихьван. Захда ад гьадыла хъуъ са фикир виъи — миди гьекъийкъат гвалах выгад илсанар диъи ад. Гьа кар сахьусды лаъ хъуд йиъи. Джетинвалдыбыр аниъи, амма гьабыр юкьсура а. Сахьусды, миди а илсанар, гвалах ваъас йигад ва валах ваъара ад», — гьухьур О. Васильевара.
3d14decac1f304ca093d2104f07e2517

Министре вирзир Дагъыстана ад магьа1лимешды Ассоциациедид гвалах. «Гьадыла саваенди за мысга фаам гьаъара шудаъ йыхана вац1арди хьур урус ч1ел Дагъыстана сиене илсанашис филологашила гъайир. Гъийгъа е дыхьыр ай к1аъды му1къу1д мехьтебе ва зы гьади лалгыри хынимешихьван. Зас мат йишир ай гьабыр темизне далгад усла, шууна фикир сивхьир далгарайди. Зас гьаламат руъура, гьагвуйне, шууна хынимешис гьац1арди шиъирбыр, нинды ч1илылады саваенди урусашды ки ва сиене дуьнйади абыр ки. Потенциал лап эккед йиъи», — гьухьур РФ-дид кьылевыъынид министре.
Джуду суруула Дагъыстанад Врио Кьухьды Владимир Васильева гьухьур, хынимер хъыдгын — сахьусды лаъ хъуъ гвалах виъи. «Балад карбыр а гьыъыр йигад хьур за ун рыхы1ре илсанашда кучима ки, йыдкьыр ихьды бегеде рухьуд арыди, умуд ки ехь хьур. За эккене сагъул ваъара Вас, Вы миди йыркьыр хьур. Джетинды вахт, сыдыд ахир, амма гьа джетинвалдыбыр сатыр, Ва гьувгур вахт миди йыркьыр».
Васильевад ч1елмыхьван, урусад ч1ел Дагъыстана ад балад национальностед илсанашды арыди далгад виъи, гьадыла гьа йыхана миди абгыр а, сасад джигима лаъ-хьуъ ки выгыр а. «Изды даже настроение лаъ йишири, Ва гьухьуд гедене, е мехьтебырма кьылевыъынид ц1инды методика выъыйне, ихьды хынимеше олимпиадама йыхды кьиметбыр лешур ай хьуйне. Гьа рухьуд ч1ел виъи, Дагъыстана хынимер талант абыр диъи, е ки гьамыъ гьабишис гьыъыр йыгара сиене условиебыр. Ва мисед Ольга Васильева калды министрехьван, изды фикирда, еда сиене леч1ус»,- гьухьур Владимир Васильева.
Хьеликана гьабыр дыхьыр Дом Дружбади выгыргара ад совещаниеди Дагъыстанад кьылевыъынид суалмыд бадана.
Б. Мыха1ды