Дагъыстан Республикадире ва Россиядид журналистеше кьуле гыргара а сыт1ад проектбыр

36d7fe9035be17d6f763732f8b6edd99

27 мартас Москвади ха1сил дишир Дагъыстандид Кьухьды Рамазан Абдулатипов на Россиядид журналистешды Союзад седри Всеволод Багданов, журналистеше кьуле гыргара ад сыт1ад проектмыд суалмыд бадана. Гьади генеки иштрак гыъыр Дагъыстанад журналистешды Союзад седри Али Камалова.
Мистед сыда йик1иы гъа, международный экспедиция выгыргас «Путешествие на остров Русский» хьур, гьадид гьакьасабад нетидже виъи Россиядид лаъвалды ва Дагъыстанад южный субъектбыр ки гьадис лейихене гьаьас.
Международный экспедициядид сахьусды къайгъу виъи Россиядид тебигьа1тдид ва таарихдид памятникбыр дюз-дюзгюн хъыъын, гьамык кини виъи куьнед шегьер Дербент.
Дагъыстанди балад миллетбыр ад джига йиъи, гьадис гюре гьа экспедициядыхьван дыкьас йик1иы гъа юкьсураады мийманар, Москвадады, Санкт-Петербургдады, Саратовдады, Казаньдады, Нижний Новгороддады ва мадды Россиядид субъекмыд представителер.
Ха1сил дишид арыди агъмиш гьыъыр ай гьа мероприятиемыд суалбыр. Генеки Рамазан Абдулатипова лаъ гет1ир ай суалбыр гьаъасды памятник Дом печати рухьуд ера мидыла хьуъ йыдхы1д журналистешис джухьды гволахала ассылы йиъине, кихьин, кагъунбыр гьаъад, са вахт бере джившир йытхы1р гьатхы1д.
Гьа арыди Республика Белорусед скульптораше сыт1ана гьа1зыр гьыъыр а проектно-сметный документбыр памятник сихьисды джигидид, гьабыр сихьисды ха1р са фонда гьабгура а тангамыд кюмег. Гьамыхьван кине мадды ху1кийметмыдаа ки.
Гьа памятникбыр сихьис хьур сивхьир ай духул Махачкалди 2012 сыда июль вазыра.
Гьади иштрак гьыъыбише, гьаъара ад Дагъыстанди гволахбыр ва кьайгъубыр гьагуйне, гьухьури, гьеми гьаъад гволахбыр ва гьакьасабыр лияъ республиканский ва районный газетмы.
Рамазан Абдулатипова бала йыхана кьиймет выр Дагъыстандид журналистешис Союзад гвалахас ва гьабишды иштраква1лис республикади ад къайгьубыр, суалбыр кьуле гыргади, секинды агьвалат вишин бадана укьсура республикади.

Мира КАЗИЕВА