Минпечатед ва Минмолодежед кьухьдыбыр ДГПУ-дид студентешихьван гьа1сил дишири

f5926a76f77a2040fe422d279ad9a761

РД-дид печатед ва информациедид министр Рашид Акавов ва РД-дид джегьилешды гвалахмыд министр Арсен Гаджиев 27 мартас гьа1сил дишири Дагъыстандид гьу1киметед педагогикадид университедед студентешды активахьван, выъыри ес гьа хабар вузад пресс-службадире.
Министерствамыд кьухьдыбише университетед студентешис гьыъыри хабарбыр джуьхьды хылихьде гид идарамыра гьаъад гвалахмыд сахьусды направлениемыкла. Гьабише гьухьури, дирибашды ва йыхана чалыш диъид джигьил илсанашис куьмег вын виъи джухьды сахьусды приоритет гьа гвалахмык.
Минмолодежед кьухьды Арсен Гаджиевара гьыъыри гене ки хабарбыр йикисды мероприятиемыкла арыди республикадид ераа ва гьадаа гъаъна ки. Гьамыд арыди ки Сиенидуьнйадид джегьилешды ва студентешды фестиваль, октябрес викисды Сочиди. Гьание хайиш гьыъыри сиене дирибашды, гьу1мирдид джуды активный позицие ад студентешда гьа эккед мероприятиедик иштрак гьаъ хьур.
9840240087deb98caa062c643221ce0c

Джуды суруула, ДР-дид печатед ва информациедид министр Рашид Акавовара гьухьури — ми джибрады вахтинди йыгъ-йыгъала бала руъура а джегьилешды сура интерес СМИ-мыд гвалахмыд суруу ва информационный деятельностед ки кине.
Гьади далгади, гьание генеки гьыъыри ихтилат регионди ад национальный газетмыд а1гьвалатмыкла. «ЭтноСМИ виъи гьа уб (звено), гьидире у1ху1рди ва лаъ-хьуъ гьаъарди Дагъыстанад халкьмыд ч1елбыр, гьадыла ки гьамыс йыгара а лап балад куьмегбыр ва у1ху1нбыр гьыъыр. Аммани джыбрады вахтинди предпочтение вылц1ара а электронный онлайн-ресурсмыс»,- хъухьури Рашид Акавовара.

Къинады Саид