Шаир ха1сил йишир ай хынимешихьван

IMG_72352 декабрес Мыха1д кьва1дхьусды А.М. Мирзоевды дур гъад мехьтебе ихьды мыха1д шаир, гьа1шыкь ва композитор Шафи Меджидович Ибрагимов ха1сил йишир ай гьа мехьтебе ад хынимешихьван, магьа1лимешихьван ва сес выъыр ад илсанашихьван.
Шафи магьа1лимере гьыъыр ихтилатбыр джуду гьу1мирди йишид четинвалдымыд, раха1твалдымыд, джу шууна килхьире ка1ч1урди на1гьнибыр, шиъирбыр, аязбыр. Гьание гьади гьыъыр джуду дур – ун ад гьемисед на1гьнибыр: «Писды къари», «Джейраным», «Мыха1шура и зы» ва мадды джуду на1гьнибыр на шиъирбыр.
IMG_7237Кьухьды классма ад хынимеше йик1иылана кьыле гьыъыри Шафи Меджидовиче кихьир ад шиъирбыр, выри шаирес суалбыр.
Генеки йыхды ихтилатбыр шиъирешыхда гьыъыри мехьтебед директора Нельсон Султанова, Алиюллах Гасанова, Мирзият Мирзоева ва гьади ад кьа1сды, кьухьду магьа1лимеше.
Гьа ха1силвалдыбыр йишир ай кьву1нды сагъа1тала балад вахтинды, Хынимешис гьа гвалахбыр бала уфтанна бегемиш йишир ай.
Мира Казиева