Нурбагандов Магомеде лаабт1а выъыд виъи лицей №2 Сергокалади, хьели юридический факультет ДГУ Махачкалди.
Гъари рыъыр ай, гьадыла саваенди кьухьва даъара ай кьаъды кьва1р хыных ки.
9 июлас 2016 сыда Магомеде бегедебишихьван отдых гьаъарай дама, Сергокала мукъу1да бегеде ка хад. Йоква1с гьабыр сатхыр ад палаткадиде йидкьыр хьур ярахбыр хад инсанар ва лал-гьарыйбыр гьаъара некьикла кедир люзде дыъыр.
Ц1амды ихтилатбыр йишида хъуъ, мибише рыхы1ре Магомедды бегедед инсан Абдурашид. Гьац1ыйне, Нурбагандов полицейский йиъид, бандитеше ми ки ва минийды шу Магомедали ки машинед багажнике эдир а, хырыда ка дыхьыйне отдыхад зонада, рыхы1ре Нурбагандов. Йыхы1сма Магомеды гъедкьыр ай джухьван гвалах ваъадбишде йихьяъ хьур гвалахала а1хъа1дуч1 хьур, амма Магомеде маабыйды ки йыхана гвалах ваъ хьур гьухьур джуду гвалахад юлдашешде.
Бандитеше, джва1р джва1ршихда «Исламский ху1киметед» къулар рухьуд, сиене гьа гвалахбыр мобильный телефона снимать гьыъыр ай, гьадыла хъуъ аъ интернете ки ийир.
Оперативно-розыскной гвалахбыр йыгыр ква1р гьа боевикешикла хадкьыр ай.
Дагъыстанад МВД-ре йикьид йигитес награда выс хьур суал кьуле гыргара а.
Б. Мыха1ды