Джуды гвалах генеки кьуле выгыргара а республикади йикисды сечкимыд усулмыд арыди агитдесантара «Ихьды партия – Дагъыстан»-хьур дур гъад.
Гьадис гюре агитаторар дыхьыр а Табасаранский, Ботлихский, Тарумовский, Хунзахский, Хивский, Дербентский ва мадды районма.
Сиене джигыма йыгыр а иджласбыр ерли инсанашихьван 18 сентябрес сечкибыр ад йыгъа сес выс дыкьа хьур избирательный участокма.
Гьама гыргад встречама ДР-дид печатад ва информациедид Министерствадид къуллухчи Амир Шапиев гьу1киметед «Комплексная программа противодействия идеологии терроризма в РД на 2016 год» хьур программадаа гьалгыри Ботлихский, Табасаранский, Акушинский ва Казбековский районмыд активмыд улихьде.
Гьади ад инсанашис выр ай агитациедид материалбыр, плакатбыр, буклетбыр шууна терроризмадид ва экстремизмадид идеологиедис противодействие высди, ва шууна хабар высди мисед чирид натиджадид контентбыр гьилага гьагуйне, ишийне.
Къинады Саид