12 июлас российский почтадид Йыгъ йиъи. Гьадыла ихьды газетед коллективере къутли ваъара сиене ехьван гвалах ваъад филиал ФГУП «Почта Россиядид» отделениемыд къуллухчийшис гьабишды байрам — российский почтадид Йыгъ!
Йыгъ йыгъала почтадид отделениебыр ц1ам руъура а, сахьусды кьул, районди ад му1къма. Шумуб иди му1къ гъийгъа гъа са отделениеды. Сасад отделениема а сиене сыт1а са почтальон. Аммани, гьа джетинвалдымыхда гаджат1кьыр, гьабише вахтинди ливкьа ваъара ха1р подписчикя почта. Гьухьус йыгара сиене почтальонашде сагъул-варул ваъара ад гвалахад бадана.
Ва1с генеки Выхьди байрамад йыгъ къутли йикий, йыгъ-йыгъала Выхьди яшайиш лаъ йикий, сагъды джан вий Ва1с, шадды йик1, Ва1хде ки, Выхьди хизанмыхда ки бахт-берекет викий.
«РН»