Гъийгъа, 31 августас, МыхаIд районди, сиъин Дагъыстана ка, йыгыр ай республиканский субботник. Гьадис гюре йаькваьс мадана инсанар, сиене идарама гвалах ваъабыр хыл-хыле выр гъаъ агъаIчIур хала, иштрак гьаъас хьур гьа мероприятиеди. ХаIр идарадид къуллухчийше чалыш дишир выъыр эккед гвалах джуьхьды идарадид аа-уу хад ер-юрта, маIхлима, аъна кабинетма. Йыхана иштрак гьыъыр ай субботнике мехьтебырмыд телебийше, магьаIлимеше, садикмыд къуллухчийше, райондид администрациедире, культурадид работникеше социальный идарамыд работникеше ва бяIзи мадды идарамыра. Эккед кIалыб, усул йыбкьыри муIкъуI, субботник йыгыдыла хъуъ.
Ихьды темизвалды ихьды сагъвалды виъи. Сиене яала асыллы йиъи.

Б. МЫХАIДЫ

Республикади гыргара ад субботникес гюре, Мыха1д районди социальный гвалах кьуле выгыргад идарадид къуллухчийше ва гьа идарадид кьухьды Османов Амрах Ниязович кьуле гине йыгыр ай субботник. Субботнике иштрак гьаъара ай хала ешлид инсанашихда гадкъаIд работникеше ки. Гьабише сиене ари хана идарадид аъ сура ва гъаъды саргьаIта нур-яз хъыгыри, гьамаа-гьади гидкалды руг-чIых ки темиз гьыъыри.
-Гьемисе сытIана, ари хана гвалах ваъади, коллективед арыди ки хуIрмет къалин вуруъура, гвалах ки кIыб гувгъуIре, — гьухьури ЦСОН-над кьухьды Амрах Ниязовиче.
Гьа йыгъа гьабишихьван сытIа сиене идарама йыгыр ай субботник

Зарема ИСРАФИЛОВА