Махачкалди Расул Гамзатовад дургъад проспекте, 43 Национальный библиотекади беслемиш йишир а эккед ярмарка гадийше мехьтебе лаъасды валыгмашды «Dimark»-хьур фирмадид.
Ярмаркади инсанашис гьагва гьаъара а гьамыъды, гъийгъад услад гъеблид парчидикла гьыъыр ад мехьтебе хъуIдиди лаъасды валыг.
«Ес гьацIара ихьды валгыд уфтанвалды, кьимет ва гьадыла е гьабыр леш рухьура сиъин инсанашде Россияди ад», — гьухьур фирмадид къуллухчиере Аркадий Рахмуллине.
Гьа ярмарка гыргара ад йиъи Дагъыстанад на Чувашиедид соглашение китIир адис гюре савдыдид не экономикадид сураа. Гьасад договор анийиъи Узбекистанахьван ки.
Сахьусды кварталас 2024 сыда Дагъыстанад на Узбекистанад арыди йыгыр ад савдабыр лаъ йыдкьыр а 25%.
Дагъыстанара сиргара Узбекистана гьаIйне, кьир, балугъ, тукад техника ва рагъад хьедбыр.
Джуьс хьуйне, Дагъыстанара лебшура Узбекистанада тамбаку, баIмбаIк, гъилабадыбыр ва мадды товарбыр.
«Экономика на савда баIгьсе ад гвалахбыр йиъи. Гьадыла ихьды предпринимателешис хайир гъа китIес соглашениебыр узбекешды компаниемыхьван ва йыкьас узбекешды товар республикади», — гьухьур РД-над экономикадид ва территориальный развитиедид министред заместителе Шамиль Аммаева.

Б. МЫХАIДЫ