«Молодежка» хьур дур гъад газетере гьацIара гьыъыр ай, ихьды республикади ад эккед вузма руъурама хьур джетинвалдыбыр СВО-дид иштракчийшыхда кьылевыъынид сураа, ва вылцIад-джывылцIад гьабишис кьылевыъынид отпускабыр.
ДГТУ
«Спецоперация каIчIуд сахьусды йыгъырмыла хъуъ университетере кюмег вылцIара а студентешис-иштракчийшис СВО-дид. Гьабишис ад льготмыла гъайир, вылцIад кюмгила гъайир, вырыхыIре хыл-худ, гьабишис вылцIара кюмег кьылевыъынид сураа ки», — гьухьур ДГТУ-тед ректора Назим Баламирзоева.
Гьанийды чIилмыхьван, сиене сытIа университете (ДГТУ) студентер-иштракчиер СВО-дид 70-ла бала диъи, баласды ки гьабишикла заочникер диъи.Студентешды хайишехьван гьабишис сессияди вылц1ара справка-вызов (кьылевыъынмыд идарадаады лаазимды кагъат, гьацIара гьаъад студентес йыркьыр йыгад кьыле ваъад джигиди экзаменбыр хъывыс, курсовоед, дипломад защита гьаъас).
Баласдыбыр гьабишикла, Баламирзоевад чIилмыхьван, дуруъудбыр диъи ссесиябыр хъывыс. Садаки студент, СВО-дид иштракчи йиъид, ихъийир (отчислить) гьыъыр адиш, гьухьур ДГТУ-тед ректора.
«Студентешис, вахтинды дыкьас джишид сессияди, экзаменбыр хъуънака хъывыс ихтияр вылцIара, яяки вахт сессиядид выкьасма хъывыс вылцIара экзаменбыр, яяки йыганийс вылцIара академический отпуск», — гьухьур ректора.
ДГУ
Студентешис-иштракчийшис СВО-дид университетере вылцIара яя академический отпуск гьабишда хайишехьван, яя ки гьаIрнийды джуды план, вахт гьувгаваъасды джваIршис выгад экзаменбыр хъывыс.
«Эхъедере студентер-иштракчиер СВО-дид джуьхьды раазиваIлихьван, — гьухьури университете адбише.
ДГПУ
Даггоспедуниверситетере ки эхъедердиш студентер-иштракчиер СВО-дид вузаа.
«Сиргара гьабишис справка-вызов гьабыр ад войсковой частьма, Росгвардиеди ва Миноборонади. Студентер-эскерер сихъдиргара сессияма, са суалбыр ки джишир. Гьалда хаIр са багьанадихьван хъикьас джиширди, гьанийды сессия хъуъка люхъвуршере. «Об образовании» закондыхьван, анивиъи ихтияр хьиба хылис хъывыс са экзаменбыр. Эгер гьабыр вахтинды лехъджекьыхьвна экзаменма, гьабишис вылцIара ихтияр кьуIне хылыис хъывыс гьа экзаменбыр, ва гьа хабар ки йыгад студентес ка гьабишис ваъара. Вишир гьасад агьвалат ки, студентер садаки джыдкьыд.», — ихтилат гьыъыр ДГПУ-тед ректорад помощникере Айшат Вечедова.
Б. МЫХАIДЫ
