Райондид кьухьды Давуд Амаевич Сулейманова выр ай кьваIд орден Мужества ихьды МыхаIд райондады Украинади гыргарар ад СВО-ди йигитерне дыркьыд эскерешис.
МыхаIбишды йигитвалды абгаси таабата. Лучек мукьаIды Шихаев Зиредин Гайдаровичес ва МыхыIреклады Керимов Гасан Исаковичес выр ай гьа орденбыр. Гьабишды йигитвалды мысга ярад-дустад, райондид джамаIхтид фикирди не йикIе викиси, гьабише джуьхьды джигьил гьуIмир выр ай ватан бадана.
Шихаев Зиредин Гайдаровичды орден выр ай гьанийды юлдашеде Шихаева Лейла Гайсидиновнада.
Керимов Гасан Исаковичды орден Мужества выр ай гьнийды шуда Керимов Замир Исаковичде.
Давуд Амаевиче гьади гьухьури: «Я ес, я ихьды МыхаIд райондид джамаIхдис садаки йикIиыла утхасдиш СВО-ди джан сихьид йигитер, мидыла хъуъки йигитешды дурубыр итхьуси райондид ва республикадид таарихе…»
Гьа йигитешды орденбыр вылц1ад арыди райондид кьухьнийхьван ани диъий Мыха1д, Гьахтид ва Докузпарадид военный комиссариатад къуллухчи Динара Гаджиназарова, райондид кьухныйды заместитель Насир Раджабов, райондид кьухьнийды помощник Ширин Омаров, Лучекды сельсовет Роберт Агаев, МыхыIрекдибишды сельсовет Шакир Кучаков ва сес выъыр ад мадды юлдашер.
Шихаев Зиредин Гайдарович, Керимов Гасан Исакович ва мадды ихьды райондады йигитер мысга ихьды йикIиы дикиси, дыркьыбишис раIхмет выъыйхь, мадабыр гъалиб дишир украинадады неонацистешы сагъна, шадана джуьхьды хала-лаха къидыкьый.

Насир Ибрагимов