Нурахмед юлдашере здание луза гьыъыр ад рыкъаI, давразабыр гъад джигиди поворот кьыцIа йиъи, гьадыла саваенди рыкъыIд суруу цементIед мышат гьаъад машинмыс заливка ки гинийиъий. Гьадире машинмыд чархмыс зиянбыр вылцIарай ва инсанар ки эккене нерази диъий.
Гьа гвалах себеб вишир, райондид кьухние Давуд шура гьада хъуъ хъаъ рухьура цементед нелазимды заливка сабыйды вишид администрациеди иджласа. Гьа иджласа иштрак гьаъара ай сельсоветед депутаташе ки. Кьухьнийды хайиш йик1иы гъана, са йыгъа сельсоветед депутата Дамадаев Алиме хайиш гьыъыр, эксковаторара лаъ лахъаъара гьа цементед заливкабыр. Амма гьади лаъ лыъыд къаябыр хъуъ хъаъас, йисъиди гьац1ардиш, ЖКХ-дид сельсоветед къуллухчиер телесых диш. Маа райондид кьухьние мирджед иджласа хулкара — хъуъ хъыъыр ама, адишме хьур. Анийиъи, рухура кьухьнийде. Амма гъийгъады йыхыIр цементед къаябыр гьади гимада.

Б. МыхаIды