Бегедене ихьды редакциеди йиркьыр ай СВО-ди иштрак гьаъад Мыха1ды йигитед Магомедов Маратды дид Метий Бакарович. Гьанийхьван га1ш-мыкьбыр, ихтилатбыр гьыъыр джуду кабинете баш редактора Тимур Махмудова. Гьание хуткун-суалбыр гьыъыр Метийда, шыв хабарбыр ади Маратды, шууна виъиди гьанийды агьвалат, служба, Маратды юлдашер ва командирер. Хуткунбыр гьыъыр, шыв-га ама хьур камды-кесды, лазимды, еда, журналистешда, йыгад кюмег.
Метие сагъул-варулбыр гьыъыр редакциедид къуллухчийшис, рази йиъи хьур, газетере йыхана убур рыхы1ре, хьур, ихьды гадийшис СВО-ди иштрак гьаъара ад.
Гьадыла хъуъ чей ки рагъара бала гемаа ихтилатбыр, су1гъбетбыр гьаъара марай Метий баш редакторахьван ва журналистешихьван редакциеди. Метийис къутли гьыъыри йигитешды 23 февралед Йыгъ ки.

З. Магомедова