МЫХАIБИШДЫ БЕЙТБЫР - Рутульские новости

Туба хъаъ,
хъикьа инсафа

Ай йик1иы Аллагь гъад илсан,
Касиб и хьур ма1гъв вы пашмал,
Аллагь бадана джан гьаъ къурбан,
Тууба хъаъ, хъикьа инсафа.

Ми дуьнйадид замха1т, джафа,
Ахиретдид дженнет къисмат гьаъ
Аллагьад рыкьа1 ибадат гьаъ
Тууба хъаъ, хъикьа инсафа.Йыгъа выше рыга1 йишир,
Кивхьид пайды рази джишир,
Аахир вы ва пашмал йишир,
Тууба хъаъ, хъикьа инсафа.

Вахда хала а мал, чабал,
Кьву1нды мертебе хал, айван,
Йик1е а выды джин, шайтан,
Тууба хъаъ, хъикьа инсафа.

Ва рагъад гьерекьи, чахыр,
Йыхды, писды вас джавац1ыр,
Иблиседе ва вы арцас выр,
Тууба хъаъ, хъикьа инсафа.

Улере ва хьыв, джафа джишир,
Халкьдид гьа1лы, мизы йишир,
Гьидиклана чара джившир,
Тууба хъаъ, хъикьа инсафа.

Вас вац1ырдиш ваз сивид,
Ваъас джившир хала мавлид,
Къисмат джишир дин иман,
Тууба хъаъ хъикьа инсафа.

Ихтилат гьаъаси дугъруд,
Ма1гъв вы ч1ирид рыкъа1 йигит,
Вас ун йикий ми маджлистед
Тууба хъаъ, хъикьа инсафа.

Дуруъус е м1укъа1 му1къа1,
Джамаха1т выкьый Аллагьад рыкъа1,
Кубыр гьаъаc Галды Мездике,
Тууба хъаъ, хъикьа инсафа.

Йик1е иман ад виъи миллет,
Куб виъий ахиретдид девлет,
Къисмат йикий кубас люздес,
Тууба хъаъ, хъикьа инсафа

Устаз Сираджуддин
Хаджи Эфенди

Ля илaгьa иллаллагьу я Аллaгь,
Ля илагьа иллаллагьу я Аллагь,
Ля илагьа иллаллагьу я Аллагь,
Вагъфирляна зу нубана я Аллагь.

Мухьа1ммад Багьаутдин Накьшибанди,
Абдул Кьадир Увайсуль Кьарани,
Be Шейхер диъи, йикий Аллагь рази
Устаз Сираджуддин Хаджи Эфенди.

Вас дарс выд Шейх Абдуллагь Эфенди,
Ц1инды мездик сивхьири ва Дербенди,
К1аъды кьухьды йыгыр ва Ислам динды
Устаз Сираджуддин Хаджи Эфенди.

Саламбыр а Дагъыстанас Туркестанда,
Ешемиш ид му1къ а Табасаранди,
Гьада йибкьыр берекет Мыха1 ц1амды,
Устаз Сираджуддин Хаджи Эфенди

Выдж ад мукъа1 юкьсур быч1ид майданбыр,
Мисур-тисур йиъи хикирды дамбыр,
Мыха1 ад Устазас эккед саламбыр,
Устаз Сираджуддин Хаджи Эфенди.

Йоква1д кубас лубзурай выдж вахтинди,
Бала зурба йиъий выдж Ислам динды,
Гьалгади Устазад миз ширинды,
Устаз Сираджуддин Хаджи Эфенди.

Джу дарс выд мюридер а джуьхда, Кьази.
Йикий Аллагь Устазала Выдж рази,
Джудаа лювшуд берекет ес ферз виъи,
Устаз Сираджуддин Хаджи Эфенди

Вите дуруъус, ваъ не ва ха1ракат,
Устазада лювшус еве баракат,
Дин Исламдид Устазахда а девлет,
Устаз Сираджуддин Хаджи Эфенди.

Йыгъ-выш джухьур Зикыр гьаъас гьа1зырды,
Нур а хьесыма Рамазан вазырды,
Дарс вылц1арай мюридешис сабырдид,
Устаз Сираджуддин Хаджи Эфенди

Джухда диъиди — деридид шилвалды,
Выдж гьагуйне — кьадар адиш шадва1лид,
Выдж ад му1къа1 илсанашды савалды,
Устаз Сираджуддин Хаджи Эфенди.

Гьадухъунки иде виъи гьa дере,
Выдж гьагуйне — йик1 лийтхьур ешере,
Банбыр, сывбыр кьалкьара Зыкрад сесере.
Устаз Сираджуддин Хаджи Эфенди.

Сагъу1д хьедбыр а мирибыр, былахбыр,
Мисур-тисур гийир шилды дывахбыр,
Дин Исламдид Устазахда дейрахбыр,
Устаз Сираджуддин Хаджи Эфенди.

***
О, Аллах, спаси нас от огня ада,
Мы плоды вами созданного сада,
Мюриды мы одного Устаза,
Устаз Сираджуддин Хаджи Эфенди.

Зря строите вы красивые дома,
У людей должна быть в жизни цель одна.
Чтобы не сбила нас с пути сатана,
Устаз Сираджуддин Хаджи Эфенди.

Какие сочные плоды из сада —
Это идёт баракат от Устаза
Делай Зикр — это ваша награда,
Устаз Сираджуддин Хаджи Эфенди.

Какое счастье, какая у них судьба.
Рядом мечеть, вокруг ихние дома,
Сам Устаз читает в мечети хутба.
Обойдёт стороною их беда.

Тувба
Дыкъа гьaъac е тувба,
Гунабыр ки ек бала,
Я Аллагь вакла са чара,
Астагьфируллагь тувба.

Кьувве выр Ислам диндис.,
Раха1т йишир илсындис,
Щукур выды гьы1лимдис,
Астагьфируллагь тувба.

Уву1х не выды абыр,
Аллагьара вий сабыр,
Ра1хим а вахда бала,
Сыла гьаъ йик1ид гунабыр.

Хъидикьа не ве динды,
Мысна маду1гъ зийынды,
Ху1рмет уву1х дидды, нинды,
Астагьфируллагь тувба.

Ислам дин йиъи ц1инды.
Аллагьас йиъи ширинды.
Мухьа1ммад Пайгьампарала хъуъ
вахдинды,
Астагьфируллагь тувба.

Ми маджилисде е сыкьы1р,
Гьaъac Аллагьас зикыр,
Кьыле ваъас салыват,
Йикий Ахир Хатам шад.

Кьабыл выъый ми маджлис,
Угъу1вч1уй джанда иблис,
Берекет вий илсындис,
Астагьфируллагь тувба.

Кубас люздес гьа1зырдиш,
Ма шешинне лазимдиш,
Ми дуьнйа мийман виъи,
Мида шешун йихисдиш.

Амина хатун
Пайгъампарад нин риъи

Аллагь, Аллагь я Аллагь, Аллагь, Аллагь я Аллагь,
Аллагь, Аллагь я Аллагь, гуна быр ки йек бала.

Амина хатун Пайгъампарад нин риъи,
Дур кьыле гьаъас Мусурманас ширин и.

Аллагь, Аллагь я Аллагь, Аллагь Аллагь я Аллагь,
Аллагь, Аллагь я Аллагь, гунабыр ки йек бала.

Амина Хатуна кьа1б сыбкъа1 ваъарай.
Ха1ле ад ваз дукрара митьу1гъ ваъарай.

Аллагь, Аллагь я Аллагь, Аллагь Аллагь я Аллагь,
Аллагь, Аллагь я Аллагь, гунабыр ки йек бала.

Аллагьара выр ес эккед берекет,
Амина Хатуныс выри са велед.