2026 сыдыд сахьусды кварталас Дагъыстандид аграрный предприятиемыра мал-къара региона гъаъ масак вынид сюхьтед показаниемыхъаъ лаъ йишир а. Гьадис гюре 5 гьагъзыр ч1абал на 6 гьагъзыр къара-мал гъаъ масак выр а, гьа рухьуд ч1ел виъи, региона фуланды отрасль лаъ виъина а, хьур. Гьадыла саваене, Дагъыстандид  аграриемыра хайиред савда выъыр а 249 тонн ч1аблад як, 270 тонн балгъуд ва 21 тонн дынмыд масак выр а.
Малдид як ва мадды гъафун-гъара масак вылц1ара, кьуле гыргара а федеральный проект «Экспорт продукции агропромышленного комплекса», ва фуланды проект йиъи ери «Международная кооперация и экспорт», хьур, кьухьды программадид. Гьаса-гьаса, яваъ-яваъшене чалыш диъи ихьды республикадид продукцие дуьни-дуьнйади масак лепшуд юкьсур ерма йихис.
Дагъыстандире арабыр йыха гьаъара а мадды ху1кийметмыхьван, агропромышленный сфера мааки хьуъ выгыргас, хьур. Гьа ху1кийметбыр йиъи: Азербайджан, Узбекистан, Беларусь, Грузия, Индия ва Иордания. Гьадыла саваенди, ихьды продукцие йихире а Иракди, Казахстанди, Кыргызстанди, Китайди, Ливанди, Объединенный Арабский Эмиратма, Таджикистанди ва Турциеди. Гьаса балад джигима йихире а Дагъыстанди агъахад агропромышленный предприятиемыра агъахад продукциебыр.

Зарема Исрафилова