Дагъыстандид Кьухьнийды Сергей Меликовад поручениедыхьван РД-дид Правительствадид резервный фонда сигыр а 300 млн манутбыр. Гьасад кьарар 17 апрелес дестикь гьыъыр РД-над Правительствадид Седрие Абдулмуслим Абдулмуслимова.
Гьа тангабыр йыхы1р а республикадид гвалахад ва социальный развитиедид Министерствадис куьмег вын бадана инсанашис, халмыс, хизынмыс зиян-зарарбыр йишид эккед гьугълумыра, йизирмыра ва хьидмыд юхмыра.
Выплатабыр высдыбыр йиъи инсанашис, гьугълумыра зиянбыр выр ешемишды муниципальный образованиема, гьагва гьыъыр ад РД-дид Кьухьнийды Указа № 52, игъибхьуд 30-хьусды мартас 2026 сыда.
Гьадыла хьурагинеки гьадис гюре сигыр ай 100 млн манутбыр. Гьамыъки республикади ахтармиш выъыр вац1ара ваъара а выр ад зиянмыд кьимет, гьадихьван сыт1а кьабыл гьаъара а гьа1рзебыр, хъывын бадана выр ад зиянмыд кьимет ва гьамык кине высна единовременный выплатабырки.

Б. МЫХАIДЫ