Махачкалдид шегьердид кьухьнийды Джамбулат Салавовад хабардихьван, сертификатбыр ва ц1инды халмыд  ачарбыр джу выр ай дид-нин адишды,  етим хынимешис. Генеки ц1инды халмыд иессиер дишир а 5 СВО-дид иштракчиер.
Махачкалдид мэред ч1илмыхьван, мистед сыда регионад бюджетекла гьа гвалахбыр кьуле йыгын бадана сигыр ай 42,6 млн манут, гьа тангымык лешур анийиъи 9 ма1хкамды, сыкьы1с йикисды халбыр.
«Хьуланды халбыр пай гьаъади ягъмиш выъыр ай комиссия ва гьабишды улихьде ивир ай лыдж. Лыдж игъивкьыдбыйдыбишис ситхьури гьа халбыр.
2025-хьусды сыдыд ахирайыкьама генеки 50-ды инсындис халбыр высды йиъи», — гьухьури шегьердид кьухьние.
Джамбулат Салавова халмыд сертификат выри Чернобыльдид авариедид зарарбыр хъуъ гьаъас йыхьыд Магомед Султановыс ки.
«Е ха1ммише бырджлине адгаси,  джуды джандыла хыл луьвшур, йик1 сихьир ху1киймет джетинва1ле саджатыд Йигитешды улихьде», — гьухьури Махачкалдид кьухьние.

Зарема Исрафилова