Каспийскади «Дагдизель» заводад ма1хлиди выгыр а торжественный мероприятие, гьади заводад площадес выр Сталинед дур ва ачых выъыр мемориальный плита генералиссимусас Иосиф Виссарионович Сталинес.
Шегьердид округад администрациедид хабардихьван, гьадис гюре гьади ягъмиш дишир ай шегьердид кьухьдыбыр, заводад кьухьдыбыр, ветеранар ва мадды юлдашер.
Церемонияди йыдкьыд дур ад мийманашик кинидиъий Каспийск шегьердид кьухьнийды заместитель Гусейн Ункилов, АО «Завод ‘’Дагдизелед’’» генеральный директорад сахьусды заместитель Руслан Касумов, генерал-майор Герман Кириленко, хьурагинды заводад генеральный директор Николай Покорский, шегьердид Иджласад депутатар ва мадды юлдашер.
АО «Завод ‘’Дагдизелед’’» генеральный директорад сахьусды заместитель Руслан Касумова гьухьур, ми гвалах таарихди абгасды виъи.
«Серго Орджоникидзед идея ваъас хьур завод №182 Каспийскади дестикь выъыр Иосиф Сталине, ва предприятие дур ад идарамык кипхьури Советский Союза. Ес, заводад къуллухчийшис, ва гьамыъдыбишис бала бегемиш йиъи, Сталинед дур гьу1мирдыхьван миди йикисдыла», – гьухьур гьание.
Касумова гьухьур, гьасад кьарар эгъет1ин гьагва гьыъын йиъи Сталинед гьунурдихьван вишин ва гъилы липхьун ми завод.
Бегьем вишир гьа церемония ачых выъынихьван мемориальный плита, эскерешды оркестрад сесехьван сыт1а гьа ачых выъыр Каспийск шегьердид кьухьнийды заместитель Гусейн Ункиловва ва генерал-майор Герман Кириленкора.
Мемориальный плита ачых выъыдыла хъуъ гьади ад иштракчийше лихьир быч1быр.

Б. МЫХАIДЫ