Ц1инды кьылевыъынид сен ка1бч1уре адис гюре Дагъыстанди, сиене валаетди ка, гыргара а благотворительный акцие «Собери ребенка в школу»-хьур. Шумудъиди гьагъзыр телебийшис, гьабишик кине СВО-дид иштракчийшды хынимешис ки, касиб хизынмыд хынимешис ва хынимер бала ад хизынмыдбишис, едед хынимешис гьаъара а подарокбыр сиене мехьтебе лаазим йикисды кардымыд.
Мидыла хьуъды сыдырма гьыъыд кал, Дагъыстан Республикадид Халкьдид Маджлисед Седрие Заур Аскендерова маа иштрак гьыъыр гьа акциеди, регионад парламентед пресс-службадире выъыд хабардихьван.
Республикадид Халкьдид Маджлисед Седриед куьмгихьван гьазыр гьыъыр ад 300 сумкьабыр ара сиене дарсыма лаазимды карбыр ана выр ай сахьусды класса дуруъусды хынимешис Дербентдады.
Гене гьухьус, гьасад гуманитарный акциебыр гыргара а сиене республикадид шегьерма на районма ки. Йыхана гьа акциеди иштрак гьаъара а Дагъыстанад парламентед депутаташе ки.

Б. МЫХАIДЫ