Дагъыстанад Халкьдид Маджлисед 30 сен йиъи вишидыла хъуъ.
Быга, 18 апрелес, республикадид ад са эккед депутаташды законодательный органад – Дагъыстанад Халкьдид Маджлисед йикиси 30 сен гвалах ваъара кувч1удыла хъуъ.
Гьа сыдырмыд арыди Дагъыстанад Иджлас виъий сахьусды ер, кьабыл гьаъад инсанашис лазимды кьарарбыр, инсанашихьван меслягьа1тбыр гьаъад, сыт1а гвалах выгыргад федеральный центрахьван.
Къутливалдыбыр гьаъара гьадис гюре Халкьдид Маджлисед Седриес Заур Асевовичес, сиене созывмыд депутаташис, иджласад аппаратад къуллухчийшис ва сиъинбишис, гьал хьибц1ырди сыдыд ариди эккед гвалах выгырди йыгъ-йыгъала йыха вишин бадана представительный власть ва махкам выъынис гюре республикадид ху1кийметвалды.
Апрелес 1995-хьусды сыда 121 депутат кет1ир ай сахьусды созыва Дагъыстанад Иджласад. Гъийгъа гьадид таарих лийкьыр а йывыдхьусды созыва. Гьа вахт реха1тды виъий гьухьус йикисдиш, хусуси республикадид Конституция кьабыл ваъадийкьама, савалды ихьды валаетдид гъигъе ваъад геденды ва гъийгъад йыгъас выгад парламентаризм выъынид сураа.

Б. МЫХАlДЫ