8-хьусды апрелес Дагъыстанад кьухьды Сергей Меликов ха1сил йишир ай Специальный военный операциеди иштрак гьыъыд ва гьаъара ад эскерешды хизынмыд инсанашихьван.
Гьадид хьурагине республикадид кьухьние лихьир а быч1имыд тыч1быр шикилмыд бегеде ра1хмитдис гьаатхы1р ад СВО-дид иштракчийшды.
«Е ки ва1хьван сыта1на яса а, хаджалатбыр гьаъара. Гьаасад йигит духре адишийдин, гьа белаа сиене ихьды валаетдид регионма либхьусий. Ес гьагвара а, шууна рыхы1ре ади беспилотникбыр ихьды ху1киймете ха1р са йыгъа, Украинадире сибгыра ад. Дагъыстандики силгара гьасад беспилотникбыр ихьды инсындис зиян выс хьур. Ярахбыр хана да1гьвиед улихьдегибише уву1ху1ре а ихьды ху1киймет гьа белидыкла. Гьабишис эккед сагъул-варул виъи», — гьухьури Сергей Меликовара.
Гьадыла хъуъ выъыри гийдхьинид текьийкье.
Дагъыстанад кьухьные йик1ыы лихъийири, СВО кувч1удыла хъуъ регионмыра ва сиене ху1кийметере гьаъара ад кюмег, вырыхы1ре ад хыл-худ эскерешды хизынмыс.
Хьеликана Сергей Меликов хъацури идкьыр ад инсанашды делегмыхда, къайгъу-дердимыхда.
Гьа мероприятиеди иштрак гьыъыр ай СВО-ди джуду джигьил гьу1мир выд йигит Керимды гыгые ки — Тимур Махмудова.

Насир Ибрагимов