15 мартас РФ-дид экономикадид Министр Максим Решетникова Дагъыстана йыркьыд арыды выгыр ай иджлас республикадид кьухьнийхьван Сергей Меликовыхьван сытIа регионад социально-экономический развитиедид суалмыд бадана, гьади агъмиш гьыъыри Дагъыстан Республикадид ЖКХ-дид ва тукмыд идарамыд гвалах йыха ваъасды гьакьасабыр, шууна лаъ-хьуъ гыргасди коммунальный ва энергетический инфраструктурабыр, ишлемиш гьаъара Российский Федерациедид хуIкийметед программамыд ва национальный проектмыд гвалахахьван ва лаъ гыргасды Каспиедид къирахад кластер.
Министре йыхды кьимет выр Дагъыстана руъура ад дегишвалдымыс.
«Ми сыдырма Дагъыстан йыгъ-йыгъаала йыха вуруъура а. Йыхды результатбыр ай шесды сыда ки. Лаъ йиъи лазимды отраслибыр: сельское хозяйство, обработка, туризм. Сахьусды – хьибыд сен йиъи бала руъура ад инвестициебыр, шесды сыдыхьван +8,3%. Йыхды лазимды результат йиъи, Президентед ва Правительствадид решениемыд ва регионад командадихьван сытIа кюмег выр йишир ад. Гьа гьунар йиъи кьуле йыгынид гуджлид проектбыр ва выр ад инвестициемыд кюмгимыд агъмиш гьаъад арыди СКФО-дид Госпрограммбыр, профильный нацпроектмыд», — гьухьур Максим Решетникова.
Дагъыстанад кьухьнийды чIилмыхьван, гьасад результатбыр йишин бадана, регионара йыхана ишлемиш гьаъара вылцIад федеральный кюмегбыр. Меселла, правительствадире вылцIара а кюмег рахаIт гьаъас кьухьды машинмыд гыйгъыIнид гьакьасабырмыс ки. Апрелес региона ачых гьаъас йыгара а сахьусды 9 км Хасавюртди гъараа гыйгъаIсне машинбыр. Гьасад раIхъ ваъара кадгъуIре а Дербентди ки. Гьадыла хъуъ – обход Махачкалдид. Гыргара а капремонт федеральный Кавказ трассадид. Вахтиндихьван еримиш йиъи проектный гвалахбыр хьибды регионад рыIкъмыд Каспийский туристический кластерахда гыргара ад.
«Гьа суалад сураа ес мысга хыл вырыхыIре Россиядид Минэкономразвитиядире. Мистед сыда е каIчIур йыгара гвалахмык, кьуле гыргасды инвестициемыд проектбыр, дюз-дюзгин ваъасна Каспиядид къирахад кластеред инженерный инфраструктура», – гьухьур Сергей Меликова.
Джуду суруула Россиядид экономикадид министре гьухьур, сахьусды кьул — региона гыргара ад гвалахбыр луза, быш джыъын. Гьадыла йыхана ишлемиш гьыъыр йыгара вылцIара ад кюмегбыр.
Гьадыла саваенди иджласа агъмиш гьыъыр суал, шууна гьаъасди иштрак Дагъыстан Республикадире «Профессионалитет»-хьур федеральный проекте, Минэконоразвитиядид делегация тааныш вишир дюз-дюзгин гьаъара ад ЖКХ-дид объектмыхьван.
«Гъийгъа дыхьыр ай гадкьаIс тепловой узелахда Кизилюртди, дюз хъаъара ад Единый операторара. Шегьердид котельный советский вахтмыла хъуъ 80%-та йыхыIр йисе вишир а, мысга чIир вуруъура ад виъи. Гьамыъ 2-ды цIинды котельныймыра ва цIине гьыъыр ад сетьмыра сиене шегьердис сиргара а бикIерды хьед сен сыда, джалахьуъ са кьыIнне ий. Гьасад проектбыр бала йишир йыгара. Гьадис Единый операторара мидыла хъуъ ки бала ягъмиш гьаъара йыгара платежбыр ва сетьма цIам гьыъыр йыгара потерябыр», — гьухьур бегьем руъуди РФ-дид экономикадид Министре.
Б.МЫХАIДЫ
