Республикадид кьухьнийды пресс-службадид хабарахьван, Дагъыстанад кьухьды Сергей Меликов гахъыр, шууна ваъара ади Дербентди цIинды мехьтеб, 1224 телебиеда кьыле ваъас йикисды.
Шегьердид мэр Ахмед Кулиевахьван ва ДР-дид кьылебырмыд министр Яхья Бучаевыхьван сытIа регионад кьухьды тааныш йишир лувза ваъара ад мехьтебехьван ва гьа гвалахбыр гыргара ад идарадид инсанашихьван.
Ваъара ад мехьтеб викиси сиенемыхъаъ кьухьды на ва сиене лазимды аIкI-даIк ад телебийше кьыле ваъад идара шегьерди. Проектек кид ка, гьа кьылевыъынид объекте а дарсымыд шумудъиди корпусбыр, улесдымыд блок, актовый зал 820 ер ад, эккед спортзал. Гьадыла саваенди, гьади йикиси гьамыъды кьваIб гъеблид басейн.
Хьибды корпуса лихьир бегьем йиъи гъуIлибыр, гьамыъ илтIере а тукбыр ва гьаъара а сывахбыр, полмыд стяжкабыр гьаъара а, къавбыр гиге гьаъара а, хьед ва отопление илтIере а.
Гьа мехьтеб лувза ваъара ад виъи «Образование»-хьур национальный проектахьван.

Б. МЫХАIДЫ