12 ноябрес Махачкалди, Таарихед парка «Россия – моя история»- хьур дур гъад джигиди, йишир ай эккед юбилейный мероприятиебыр, Дагъыстанад Союз журналистешды (ДРО СЖР) отделениедид 65 сен ийъи, хьур.
Сахьусды гафахьван сытIадишир ад юлдашешды улихьде алгыри Дагъыстанад информациедид не печатед Агентствадид кьухьды Абдуразак Джамалутдинов, ДРО СЖР-дид седри, «Лезги газетед» баш редактор Магамед Ибрагимов, Россиядид Союз журналистовашды гвалахмыд секретариатад кьухьды Денис Токарский, Махачкалдид мэред заместитель Мавлидин Маликов, Дагъыстанад Халкьдид Иджласад депутат Шамиль Омаров, Дагъыстанад Росреестред кьухьды Арсен Пирмагомедов ва Дагъыстанад цифровой развитиедид министр Юрий Гамзатов.
Гьади Магамед Ибрагимова гьыъыри ихталабыр, шыв гвалахбыр гьаъара ади регионад отделениедире, гьади гыргара ад проектмыкла ва улихьде гид суалмыкла.
Дагъыстанад отделениедид седриере генеки хайиш гьыъыр ай Махачкалдид администрациедида Дом печатед бегеде гид паркас дур вын — «Аллея журналистов», хьур. Гьади лихьяъ хьури информационный стенд мидыла хьуъ дыркьыд журналистешды, гьа инсанар мысга табатаа ихьды йикIыы гъадгын бадаана.
Гьа юбилейный мероприятиеди выр ай хьукиметед наградабыр йикI сихьир уфтанна гвалахбыр гьыъыд журналистешис не редакциемыд кьухьдыбишис.
Дагъыстанад информациедид не печатед Агентствадид Почетный грамота выр ай Кожаева Эльмира Юнусовнас – баш редактор республикадид газетед «Голос степи», хьур, дур гъад, «Заслуженный журналист Республики Дагестан» выр ай Абдуллаев Байрам Сафаровичес – республикадид «Нур» газетед баш редактор, «Заслуженный работник культуры Республики Дагестан» выр ай Гаджиев Марат Алиловичес – республикадид «Дагестан» журналад баш редактор.
Россиядид Союз журналистовашды суруула ки выр ай 20-ла балад наградабыр Дагъыстанад журналистешис.
Гьади ихьды редакциядид къуллухчиер хаIсил дишир ай Россиядид Йигитехьван — Абуталимов Темирлан Умаровичехьван ки. Гьанийис гьыъыри сагъул-варулбыр джуду йигитваIлис. Гьади Тамерлан Умарович йиркъыр ад йиъий почетный мийманна.

Насир Ибрагимов