Ес ихтилат гъийгъа гьаъас йыгара ихьды саваIлид.
Февралед 2022 сыдыла хъуъ ихьды хуIкиметере гыргарара а Украинади СВО (специальная военная операция). ХаIр муIкъуIре, райондире, республикадире ва хуIкиметахда йикI ешед инсанаше гьаъара джваIршида руъуд кюмег ихьды СВО-ди иштрак гьаъара ад йигитешис.
Ихьды МыхаIд райондире ки шумаиди сигыр ай пай-гвалбыр эскерешис, гьада сагъулбыр гьаъара ес джывабыр хъуIгъуIре.
Гьеми йыгъырма йибкьыр ай хабар СВО-дады иштракчийше ваъара сагъул МыхаIд райондид кьухды Давуд Амаевич Сулеймановас на ва Йирек мукъаIды меценат на валантер Нариман Аюбович Аюбовас, ешемиш руъура ад Ростов-на-Дону шегьерди.
Гьеми ихьды Россиядыхда йикI ешед инсанаше выр ай лазимды карбыр «Каспий»-хьур батальона иштрак гьаъара ад ихьды йигит духрешис.
Гьемисед йыхды гьаъара ад гвалахмыра, кюмегмыра, даIгьвиед хьура гид ихьды йигитешды йикI сигъа гьаъара, ватан ва джамаIхаIт джыбра джухьды хъуд гьацIара гьаъара. Гьаса йишине, ихьды саваIлире не гьаъад кюмгире ихьды хуIкимет ва ихьды эскерер йыггад душманашы мысга гъалиб дикиси.
Гьемисед йыхды гвалахбыр гьаъад инсанар баладиший, эскерешис раIхаIт йикисне.
Сиене гьади иштрак гьаъара ад йигит духре сагъана халы-лаха лехъедкьый, гьалиб дишир Россиядид душманашы.

Насир Ибрагимов