Гьабхы1д ха1фтидис, 11 октябрес, Мыха1д райондид Иджласа керъир айц1инды райондид кьухьдына Давуд Амаевич Сулейманов.
Гьа илсан к1ыблаахъуъ йыхана гьац1ара ихьды Мыха1д районди ки ва сиене Дагъыстанды ки.
Давуд Сулейманова райондид кьухьдывалды выъыд йиъи 2005 сыдыла 2016 сыдыыйыкьама, гьадыла хъуъ Давуд Амаевич йиъий Дагъыстанад Халкьдид Иджласад депутат, гьанийис лап йыхана гьац1ара райондыхды ва джама1хтыхда ад джетинвалдыбыр.
Гьадис гюре йе ихьды редакциедид телеграм канала лийир ай опрос, гьади ихьды подписчикешис выр ай мисед суал: «Что Вы хотите, чтобы новый глава района сделал в первую очередь?», ва гьадыхда хъийир ай 5 джываб ки.
Гьа опроса иштрак гьыъыр ай 19 октября йыхы1р 786 инсындире, сесбыр выр ай 226 подписчикере. Гьабыр мисе пай йишир ай: – Водоснабжение — 30 сес (13%), Дороги — 43 сес (19%), Спорткомплекс — 17 сес (8%), Газификация — 114 сес (50 %) ва Создание новых рабочих мест — 22 сес (10%).
Йе гьеми суалмыд джывабыр выси райондид Кьухьнийде Давуд Сулеймановда хьура хъуъ виъид ц1инды ха1фтидис. Сесбыр ведяа генеки хъывыс йикиси гьа джывабырмыс ихьды ки ва райондид администрациедид ки телеграм каналма.

Насир Ибрагимов