Гьадид бадана Дагъыстанад Кьухьние Сергей Меликова джуду телеграм канала мисе кихьир ай:
— Гъийгъа йе ачых гьыъыр ц1инды участокбыр Р-217 «Кавказ» рыкъы1д ремонт гьыъыдыла хъуъ. Гьа сиене дагъыстанабишис лазимды мероприятиеди онлайн режиме иштрак гьыъыр ихьды президент Владимир Владимирович Путине ки. Гьадыхьван сыт1а гьание генеки гьагва гьыъыр джу балана рыхы1ре ад Дагъыстанас убур, ихьды республикади, маддымыхьван хивхьийне, хьу1кийметед кьухьние бала иштрак гьаъара мисед объектбыр ачых гьаъади. Ес йик1иы гъамада, сенне сур хьурагине гьемисед форматахьван Владимир Владимировиче ачых выъыр ц1инды мехьтеб Махачкалди.
«Кавказ» ра1хъ бала лазимды виъи шумдиъди ху1кийметес. Гьа кинивиъи транспортный гилудурак «Север-Юг» хьур, ихьды республикада мадды регионма на ху1кийметма дуруъус руъуд.Ха1р йыгъа гьа рыкъа1а тиниъ руъура а 35 гьагъзыр машин. Гьадыла ий дагъыстанабише балана гуьзет гьаъара ад гьадид ремонт. Кьвунды полосадид еринды выъыр а юкьуб полоса ад ра1хъ, джура выъыр хьура хъуъ йиъид машинмыд ра1хъ, гьадыхьван сыта мысга руъуд авариемыд на эккед пробкамыд еринди йишир а зиян-зарар джикисды, раха1тене машинбыр гыйгъа1сды ра1хъбыр.
Гъийгъа йе ачых гьыъыр ад участокмыра лаъ-хьуъ выгыргас кьва1б гвалах – туризма на аграриедид гьакьасабыр.Ц1инды рыхъы1ре китха гьаъас балад эккед районбыр республикади ад кьухьды шегьермыхьван.
Сагъул Президентес ва Правительствадис Россиядид, ху1киметед Минтрансас, ра1хъбыр гьаъад устарашис ва сиъинбишис, гьал иштрак гьыъырди ми лазимды гвалахмык, — планбыр проектбыр гьаъара ква1ч1уда сиене гвалахбыр бегьем руъума йыхы1р!
Гьухьур йыгара, йыха руъура ад са ра1хъбыр диш. Гьмыхьван сыт1а йе ц1ине хъаъара а аэропорт ва дерйахад порт, ц1ине ваъара сиене ху1кийметмыд ра1хъ, са поездмыд сарха1тдид ра1хъ ва мадды балад суалмыс убур рыхы1ре а.
Гьа сиене гвалахмыд сура Дагъыстанас кюмег вылц1ара а федеральный центрара. Гьац1ара гьадыла, йеда йикис кьуле гыргас мибыр ва мадды эккед проектбыр, хайир высды Дагъыстана ки ва сиене Россиядис ки!

З. Магамедова