Йоква1д некья уях диш
Шукур Аллагьас гьагъзыра
Выш гимадана чалыш диш
Сивид сывабад вазыра.

Сив хакьаъ, йик1 темиз йиший
Хъа1лды хъалгас гьазыр йиший
Гюгьюль ва леш, хайир йиший
Сивид сывабад вазыра.

Сен сыды век гунагь киме?
Реббиес ваъ гьа1рзе кьыле
Кьуъран, субха1нбыр леш хыле
Сивид сывабад вазыра.

Азана макъыет дишин
Гъигъды иман йик1е вишин
Тариваха1с люздес йишин
Сивид сывабад вазыра.

Гьа1шдыы ад аахир кьиямат
Мездике гьаъ йыхды неят
Сабыр ваъ, гьад и Йинчид халат
Сивид сывабад вазыра.

Хараб на г1ал гьалгасды маъ
Нагьакьна кин иесды маъ
Кубала игъирхьусды маъ
Сивид сывабад вазыра.

Хыл — хыле выр муъминеше
Ифтар гьаъас хы1ва1 леше
Викис берекет ха1ммише
Сивид сывабад вазыра.

Ми ваз ц1ыхьыра хъибкьыр а
Аллагьад ра1хим ливкьыр а
Баладбыр динды хъидкьыр а
Сивид сывабад вазыра.

Ве хакьыд сив, хъыъыд тууба
Аллагьара кьабыл гьыъый
Джама1хтыхда виший кьуува
Сивид байрам къутли выъый.

Бийзат Султанаевна 2020 г.

Материал подготовила Мира Ш.