Ислеэнды йыгъа, ха1р ха1фтидис выгыргад ка, Мыха1д райондид кьухды И. Г.Ибрагимова джуды кабинете выгыр ай райондид идарамыд кьухьбишихьван гвалахад иджлас.
Районди ад гьабхы1д ха1фтидис агьвалатакла сахьусды гьалгыри кьухьнийды заместитель Н. М. Раджабов. Гьанийды ч1ильмыхьван, агьвалат сабырлы виъий, шешин нагьакьды гвалахбыр йишир адиший, сиене идарамыра джуды ваъад ка гвалах ваъара ай.Хьели Ибрагим Гусейновиче ч1ел выри сиене идарамыд кьухьдыбишде. Сахьусды убур йыхы1р ай суалмыс, шууна выгыргара ади гвалах сиргад республикадады ва администрациедады письмомыс дживабыр хъывынид. Гьадыла саваенди агьмиш гьыъыр ай хьуланды суалбыр — хьед, йокв, ра1хъбыр, накьумыд, хал-лахмыд актуализация, гвалахмыд оптимизация (баласды руководителеше ч1ирине агьадхара илсанар гвалахала, хьели гьабыр судахьван восстановить хъадаъара) ва мадды-мадды суалбыр. Кьухьние джуды контроле лешус ч1ирид гвалахбыр ки ва сахьусды кьуле йыгыр йыгад суалбыр ки.

Б. Мыха1ды