Владимир Васильев йыхьыр ай меркездид цIинды сыдыд ёлкадик

973A4739

25 декабрес Дагъыстанад врио Кьухьды Владимир Васильев Махачкалдид мэр Муса Мусаев ки хъуна йыхьыр ай шегьердид ц1инды сыдыд елкадик.
Сыт1а дишир адбишды улихьде гьалгади, Дагъыстанад врио Кьухьды Владимир Васильева мисе гьухьури: «Хъыдгад хынимер, дидабар, нинабар, кьа1сды дидабар, нинабар! Гъийгъа шудаъ уфтанды на1х йиъи, гадакъ ха1ле, шудаъ быт1рад ваз гъади, шудаъ уфтанды елка улихьде гиди. Гъийгъа бала уфтанды, йыхды ихтилатбыр гьыъыри Снегурочкара ихьды Махачкалдикла. Е еда лягъу1духъундыбыр гьаъаси шегьер йыха вишин бадана. Сиенебишис гьаса йигара а. Йигара, ихьды хынимер ешемиш дишир йыхды джигиди. Гьаъаси евеше сиене гьабыр лаъ-хьуъ дишин бадана, йыхдыбыр, быт1рабыр, хъыдгабыр дишин бадана.
Зас ваъас йигара эккед сагъул выхьды дидабашис, нинабашис, ешемиш дуруъура ад шегьерди ва республикади. Мистед сыда е бала гвалахбыр гьыъыр а, гьа къайгъубыр кьуле йыгыр ай промышленникеше, хал-лах гьаъад устараше ва мал-къара гъаъадбише. Сиенебыр шад-гуямиш дишир, бахтлы диший.
973A4708

Яхда бала уфтанды джигьилер а, гьабишик кинидиъи спортсменер ки. Дагъыстан рази виъи гьабишиыла.
2018 сыда Махачкалди йикисды йиъи борьбыдид Чемпионат Европы, гьади иштрак гьаъаси дур-ун ад аридырыхы1бише, е инамиш диъи викиси хьур эккед байрам, гьади иштрак гьаъаси ихьды хынимеше ки, спортахьван заниматься дуруъуд. Гьабише джуьхьды дирибашва1лихьван лаъ ваъаси республика, хизанбыр ва ихьды ху1кимет, Россия, сиене ху1киметмыд арыди йишид соревнованиема. Дагъыстанди мысга йигит духре ад йиъи.
Генеки зас йиъине ад Ц1инды сен ва1с къутли гьаъас йигара, выхьды йик1иы гъад мырадбыр битмиш йиший. Нубарак гьаъара хъыдгад ва быт1рад хынимешис, гьабишды сен сыдыла яшайиш йыха йиший. Генеки йиъина ад Ц1инды сен ва1с нубарак!»
Сыт1а дишидбишды улихьде гьалгыри Муса Мусаев ки.
Гьа мероприятиеди генеки иштрак гьыъыр ай Дагъыстанад Правительстводид врио Седри Абдусамад Гамидова, РД-над Кьухьнийды ва Правительствадид Администрациедид Руководитель Владимир Иванова, Дагъыстанад Правительствадид Седриед Сахьусды заместитель Анатолий Карибова, министерствамыд на ведомствамыд кьухьдыбише ва муниципальный образованиемыд кьухьдыбише.
Торжественный часть лат1уйне йишир ай бала гъеблид концерт.

М. Казиева