Дагъыстанад Врио Кьухьды Владимир Васильева 28 ноябрес выгыр ай республикадид Антитеррористический комиссиядид иджлас.
Агъмиш гьыъыр ай суалбыр шыв ха1ле ади топливно-энергетический комплексед объекбыр антитеррористический защищенностед сура. Гьадыла саваенди агъмиш гьыъыр гыргара ад гвалахбыр транспортад объектбыр ки шыв ха1ле ади антитеррористический защищенностед суруула ва кьуле выгын гвалах тероризмадис ва экстремизмадис сиргад тангабыр гьат1ун бадана.
Иджласа джываб вылц1ад кьухьдыбише ихтилат гьыъыр, шыв гьыъыр ади РД-на ад АТК-дире кьуле йыгын бадана Комплексный план Российский Федерациедид 2015-2018 сыдырмыд выгыргасди терроризмадид идеологиедыхьван да1ви Дагъыстан Республикади ва ма шыв гьыъыр йыгарди артухана гьа гвалах йыха вишин бадана.
Сиенебишихьда хъадацудыла хъуъ ва сиенебишды ихтилатмыс убур йыхы1р, Антитеррористический комиссиядире кьабыл гьыъыр лазимды решениебыр на рекомендациебыр, кюмег высды выгыргара ад гвалахас гьа объектмыд антитеррористический защищенностед бадана.
Б. МЫХАIДЫ