9 ноябрес Мыха1 райондид кульрадид Центра вишир ай райондид депутаташды Маджлистид сессия.
Гьа выгыр ай маджлисед Седри Артур Таирова. Сессияди депутаташихьван сыт1а иштрак гьыъыр ай МР «Рутульский район»-дид Кьухьды Ибрагим Ибрагимова, райондид администрациедид гьа1р са отделмыд къуллухчийше ки.
Сессиядид повесткадихьван миди хьуъ гет1ир агъмиш гьыъыр ай мисед суалбыр:
1. МР «Рутульский район»-дид Устав кьабыл выъын;
2. Сифтенед сессиямы кьабыл гыъыд решениемыд ачут-учут гьыъын (контроль);
3. Ерли администрациемыд ва гьамыд отделмыд идарамыд гвалахмыд отчетбыр кьабыл гьаъас хьур, сессияма депутаташисды улихьде гьаммыра гьаъад гвалахбыр контроле лешун бадана, гьазыр гьыъын ва кьабыл гьыъын гьасад гвалахад план.
4. Депутат И. Р. Балаевад предложениемыхда хъадацын (гьа йиъи райондид депутаташды Маджлисе навкьмыд, аграрный, сельскохозяйствадид ва экологиедид гвалахмыд Комитетед седри.
5. Мадды суалбыр.
Миди сессияди сахьусды суалад бадана далгыри кьухьдыбыр: Артур Таиров ва Ибрагим Ибрагимов. Генеки райондид администрациедид специалист – юрист Мурад Рагимов ва баласты депутатар.
Гьадыла хъуъ сиене депутаташды разива1лихьван, хылаб лаъ хакьыр сес выр, МР Рутульский район»-дид Устав кьабыл выъыри.
Гьадыла хъуъ сесияди сиене повесткадик кид ва мадды райондид джама1хтид яшайишес таликьды суалбыр агъмиш гьыъыри.
Гьамыд бадана далгыр ай райондид Кьухьды Ибрагим Ибрагимов, райондид администрациедид кадровый службадид кьухьды Кудрат Абеев, депутатар: Феликс Рамазанов, Элла Акимова, Исак Балаев, Магомед Магомедов ва маддыбыр.
Гьади гене ки далгыр ай йоквымыд, хьидид, налогмыд, ербыр ва юртбыд ачута ийинид ва мадды суалмыкла.
Сиене суалмыд сураа сессиядире эгъет1ири лазимды къарарбыр.
Гьадыхьван гьадид гвалах бегьем вишири.
Къинады Саид
