18 — 19-ды сентябрес Москвади вишир ай Сиенероссиядид форум «Терроризмадид ва экстремизмадид идеологиедид противодействие кьылевыъынид арыма ва джигьилешды арыма».
Гьади иштрак гьыъыр ай Дагъыстан Республикадид печатед ва информациедид Министерствадид кьухьдыние ки. Гьа форум арыди йыгыд йиъи Национальный антитеррористический комитетере, Москвадид Правительствадире, Москва шегьердид кьылевыъынид Департаментере, Россиядид МИД-дид Москвади ад гьу1киметед международный отношениемыд институтара (университетаре), Россиядид халкьмыд арымыд гьу1рметмыд университетере, Москвадид ачыхды кьылевыъынид институтара.
Форум ад сифтед йыгъа гьади йишир ай иджласбыр мыйды секциема.
19 сентябрес вишир ай пленарное заседание, гьили гвалах ваъара ай ачухды микрофонара. Форумад натиджадис таликьды видеороликбыр ки гьади гьагва гьыъыр ай патриотический усулбыр ад. Пленарный заседаниеди иштрак дишибише агъмиш выъыр ай Форумад резолюциедид проект.
Форумад итогбыр сыт1а хъыъыда хъуъ, Дагъыстан Республикадид печатед ва информациедид Министерствадид гвалахмыд гьа сурууды опыт Российская Федерациедид мадды субъектмыс ки рекомендоват гьыъыр ай.

Къинады САИД