12 июнас шиъирмыд Театра Россиядид Йыгъас гюре шаиреше шиъирбыр кьыле гьыъыр ай. Гьа байрамад мероприятиеди иштрак гьыъыр дагъыстанабишды театрмыд артистеше, студентеше ва телебийше, джигьил шаиреше, Дагъыстанад писателешды Союзад членеше. Шиъирмыд Театрад директорад заместитель Ариза Батыровара ихтилат гьыъыр ягъмишдишибишис байрамад тарихекла: «Гъийгъа ихьды ху1кимете агъмиш ваъара а эккед ху1киметед байрам-Россиядид Йыгъ… Гьад сахьусды «джигьил» байрам виъи ихьды ху1кимете!»
Шиъирмыд Театрад художественный кьухьды Ариза Батыровара ягъмишдишибишихьван таныш дыъыр Дагъыстанад джигьил шаирер, гьабише кьыле гьыъыр ху1киметехла хит1ир ад республикади ад ч1илмылады ха1р халкьдид шиъирбыр.
Гьади шаирешды марафона генеки иштрак дишир джигьил шаирер «Лира» ва «Креатив» хьур литературадид объединениемады. Гьабише джуьхьдымыла саваенди кьыле гьыъыр ай дур-ун ад российский шаирешды шиъирбыр ки.

Урусашды драмтеатрад артистеше Марина Карпачева, Арсен Джахбаров, Диана Мигадова ва Рафик Альшанова, Махачкалдады, Каспийскадады ва Москвадады телебийше кьыле гьыъыр гьа йыгъа Евгений Евтушенкад, Константин Симоновды, Александр Блокад, Виктор Боковад, Александр Прокофьевад ва мадды шаирешды шиъирбыр.
Хьели сиенебише сыт1а гьыъыр Роберт Рождественскиед ч1елмыд на1гьни «Родина Моя» хьур.