18 апрелес Дагъыстан Республикадид Йыгъбыр ачых гьыъынис гюре Ставропольский крае регионад Кьухьды Рамазан Абдулатипов йыхьыр ай М.Ю. Лермонтовды дур гъад Ставропольский универсальный гьы1лимдид библиотекади ачых гьыъыр ад дагъыстанабишды художественный кардымыд ва писателешды китабырмыд выставкади.
Гьа площадкади презентоват гьыъыр ай республикадид развитиедид приоритетный проектбыр ва туризмадид потенциал.
Рамазан Абдулатиповад ч1елмыхьван, Дагъыстан чалыш виъи балана гыргас ха1рса джура гвалахбыр къумшиди хад регионмыхьван, гьамык кине сахьусды кьул туризмадид сураа ки ва кьуле йыгын сыт1ад тарихед, культурадид программабыр ва маршрутбыр.
«Яхда а йыхана гьазыр выъыр ад инфраструктура, кюмег высды кьуле выгыргас экотуризм, таныш даъасды йидкьыд мийманар дагъыстанабишды халкьмыд яшайишехьван ва гьадатмыхьван. Яхда аниъи уфтанды природадид памятникбыр, меселла мисед, бархан Сары-Кум, Сулакдид каньон, Хучнинский водопад, Самурский дам, озеро Казенойам, дур ад альпинистешды маршрутбыр. Дагъыстан — гьекъийкъатды музей виъи ачыхды ха1лихьде гид»,- гьухьур Рамазан Абдулатипова.
Дагъыстанад Кьухьние генеки гьухьур, республикади аниъи 6,5 гьагъзыр культурадид ва архитектурадид памятникбыр, баласдыбыр гьамыкляа яц1а аниъи ЮНЕСКО-дид дуьни-дуьнйадид наследиедид списокма. Гьадыла саваенди регион виъи эккед Шелковый ра1къ вуруъуд пункт.
Гьа йыгъа, 18 апрелес Дагъыстанад Кьухьды Рамазан Абдулатипова иштрак гьыъыр байрамад ачыхвалдыма Республика Дагъыстанад Йыгъбыр Ставропольский крае.
Гьадид бадана выр ай эккед концерт. Сахьусди гьади выступат вишир ай дур ад мук1мыд Ху1киметед академический ансамбль «Лезгинка». Гьадыла саваенди Йыгъырмыд культурный программади генеки иштрак гьыъыр ансамбльмыра «Молодость Дагестана» ва «Хасавюрт», Тагир Курачева ва на1нимыд группа «Дагестан», Азербайджанабишды, Лагуйшды, Къумухашды, Лезгийшды, Урусашды театрмыд актераше, дур ад гьашыкьаше Абдулла Магомедмирзоева, Айдун Магомедова, Лариса Гаджиевара, Зайнаб Махаевара, Амина Гунашевара, Сафи Султановара, Магомедрасул Рабаданова ва маддыбише.
Ягъмишдишибишды улихьде генеки выступат вишир хуькиметед казакашды на1нимыд на ва мук1мыд ансамбль «Ставорполье».
Бала бегемиш йишир ай палыван Мугудин Сайдиев. Йыхана кьабыл гьыъыр Россиядид ва Дагъыстанад Халкьдид артист Заур Тутов.
Гьание Рамазан Гаджимурадович йирзир, гьухьур, джва1р дустар диъи кьыбла хъуъ, бала гьыъыд йиъи сыт1а гвалахбыр хьур. Гьа йиъи культурадид илсан. Хьеликана гьание гьыъыр Рамазан Абдулатипова хит1ид на1ни «Дагъыстан – изды ду1а».
