Рамазан Абдулатипова Кайтагский районди хьадид гвалахмыд сахьусды дылан кийир

1_result

Дагъыстанад Кьухьды Рамазан Абдулатипова 29 мартас гвалахбыр гине Кайтагский районди ади, хьадид кувурч1ере ад гвалахад ухчермыд сахьусды дылан сигыр Маджалис мукъу1д езед накьумы, гьадис гюре ачых гьыъыр мистед сыдыд сельскохозяйственный сезон республикади.
Генеки регионад кьухьды таныш йишир ай «Магомедов И.Р.» хьур КФХ-дид гвалахахьван т1ымылбыр езед.
Хозяйствадид кьухьды Ибрагим Магомедовад ч1елмыхьван, гьа сельхозпредприятие, 10 илсанара гвалах ваъад, выъыр ад виъи 2015 сыда, сиене сыт1а т1ымыл (ркацителед сорт) езед ербыр йиъи 20 га.
Сиене сыт1ана ягъмиш гьыъыр ай т1ымлад 2016 сыда 230 тонн, урожайность — 115 ц/га.
2_result

Муниципалитетед кьухьды Алим Темирбулатовахьван сыт1а Рамазан Абдулатипов таныш йишир т1ымыл езир ад ермыхьван, гьухьур, лешуд т1ымлад ма1хсил пыч джыъыр переработкади сигыр йыгара хьур.
Кайтагский районди балад предприятиемыра, ху1киметед ва хусуси, езере т1ымыл, меселла, 1 ГУП, 1СПК, 2 МУП, 7 КФХ ва илсанашды хусуси хозяйствабыр (ЛПХ). Сиене сыт1а т1ымыл езед ер виъи 1163 га; ха1рса джура сортбыр а т1ымлад — столовыйбыр ва техническийбыр.