Мыха1д райондид кьухьды ха1сил йишир ай ФГБУ «Минмелиоводхоз РД» идарадид директорахьван

b5b56b2ae93d3dc958cf0c21c9383b18_l

Ми йыгъырма Мыха1д райондид кьухьды Ибрагим Ибрагимов ха1сил йишир ФГБУ «Минмелиоводхоз РД» идарадид директорахьван Залкип Курбановахьван.
Гьа гьа1сил дишид вахтинди агъмиш гьыъыр ай суалбыр хьед гьабгъуд накьумыд агьвалатад, Бабаюртди отгонный мал-къарымыд зонади ад.
Райондид кьухьние гьухьуд кал, ми сенбыр Мыха1д райондид хозяйствама, Бабаюртдид зонади ад, хьед гьагъунид джетинвалдыбыр а, гьадире балад ма1хсилбыр ха1р хылис ц1ам руъура а.
«Сиене сыт1а хьед гьабгъуд накьумуд площадь йиъи 3 гьагъзыр га, гьамыкла са паймыс хьед руъура а каналма Костек-Шабур ва Хани-Шабур, маддыма — каналма Шпрингель ва Казан-Кулах. Са Хани-Шабур каналад хьидид потребность йиъи 312000 куб. м, амма руъура а 31200 куб. м. хьидид, гьа йиъи сиене сыт1а 10%.
Капитальный ремонт йыгара а акведукас, Акташ нац1уры гъад Акнада мукъу1д бегеде, ва балад гадармыс (шлюзы), каналмы гъад», — гьухьур райондид кьухьние.
Джуду суруула ФГБУ «Минмелиоводхоз РД» идарадид директор З. Курбанова райондид кьухьвалды къутли выъыр И. Ибрагимовас ва йыхды гвалахбыр къисмат гьыъыр.
Суалад бадана гьалгади З. Курбанова гьухьур, джус хабар виъи хьур ад агьвалатад. Гьанийды ч1елмыхьван, сиене Мыхад райондид хозяйствабыр гъаниъи магистральный каналбыр лап1т1уд сирта ва гьадыла гьамы хьед лийкьардиш.
«Баласды хозяйствама ад каналбыр к1а1делере, лардыра ац1ыр а ва гьабыр темиз гьыъыр йыгара. Хозяйствамыд арыма ад каналма 2017 сыдыд планахьван темизва1лид гвалахбыр гыргас йик1иы гъаниъи, сасадма гьа гвалахбыр йыгыр аниъи. Вац1ара выъын бадана дюзгинды агьвалат, бегедене дыхьыр йыгара ераа гьа зонади ва сес выъыр гьади хозяйствомыд кьухьдыбыр, фикир выъыр йыгара, шууна гьа месъэле кьуле выгыргасди», — гьухьур директора.
Йишир ай меслягьа1т, бегедене кибт1ес хьур Соглашение МР «Рутульский районад» арыдине ФГБУ «Минмелиоводхоз РД» идарадид арыди.

Б. Мыха1ды