Дагъыстанад Кьухьние кьабыл гьыъыр а Россиядид ФСБ-дид директорад заместитель

1_result17 январес Махачкалди Дагъыстанад Кьухьды Рамазан Абдулатипова кьабыл гьыъыр Россиядид ФСБ-дид директорад заместитель — Национальный антитеррористический комитетед аппаратад Кьухьды Игорь Сироткин.
«Вы к1ыб – к1ыб руъура Дагъыстана ва вылц1ара методический куьмег не вырыхы1ре а хыл выгыргара ад эккед гвалахас миди правоохранительный органмыра, республикадид ва ерлид властьмыд органмыра. Гьа сыт1ад чалышвалдымыд гьунырдыхьван еда гьухьус йикиси, гъами дишир хьур терроризмады Дагъыстана ва, гьадис гюре, Россияди ки», — гьухьур регионад кьухьние.
Рамазан Абдулатипова гьухьур, Россия гъийгъа гьекъийкъат виъи гуджлид ху1кимет дуьни-дуьнйады да1ви выгыргара ад терроризмадихьван. «Эккед гвалах выгыргара а Федеральный безопасностед службадид органмыра, внутренний гвалахмыд Министерствадире, Следственный комитетере, Прокуратурадире, судад системадире. Е ха1р дишир а дюзгинне, анализ гьаъара, быгаады йыгъ гюзет гьаъара гвалах выгыргас, ва гьадыла гьа гвалах е джат1ур выгыр йыгара мидыла хъуъ ки»,-гьухьур гьание.
Республикадид Кьухьние гьадыла саваенди агъмиш гьыъыр викисды РД-над Антитеррористический комиссиедид заседаниедид суалбыр, шууна арыди-джаргыди йыбкьырди гвалах II полугодиедис 2016 сыда ва шыв гьыъыр йыгарди Дагъыстан юксураа лаъ-хьуъ хъившин бадана.
Джуду суруула, Игорь Сироткине гьухьур, ми сыдырма региона гьекъийкъат выгыргара а гвалах йыхана. «Гъийгъад йыгъахьван агьвалат Дагъыстана мадды виъи хьурагиндыла. Дуьзды рыкъа1 а. Амма, республика гьалаки маба гьасад «точкана», джат1ур убур йыхы1р йыгад ху1киметед кьухьдыбише. Сыт1а гвалах мидыла хъуъ ки джат1ур выгыргас, йисхьурди е-ва1 сыт1а гьуле гыргара а политический установкабыр ихьды Российский Федерациедид Президент Владимир Путинед»,- гьухьур бегьем руъуди НАК-ад аппаратад кьухьние.
Гьади генеки иштрак гьыъыр ай РД-ди ад РФ-дид ФСБ-дид Управлениедид кьухьды Александр Миронова ва РД-над Правительствадид Седриед заместитель Рамазан Джафарова.