22 декабрес вишир ай 4-хьусды последний мистед сыда сессия РД Халкьдид Маджлисед рыхьы1дхьусды созывад.
Гьадид гвалах ачых выъыр выгыри дагъыстанабишды иджласад седри Хизри Шихсаидова.
Сессиядид гвалаха иштрак гьыъыр регионад Кьухние Рамазан Абдулатипова.
Депутаташе агъмиш гьыъыр 25 суал. Гьамыкла йыгъад повесткадид сахьусды суал йиъий законад проект «О республиканском бюджете РД на 2017 год и на плановый период 2018 и 2019 годов».
Халкьдид Иджласад бюджетед тангымыд ва налогмыд Комитетед Седри Сейфула Исаков законад проектахьван таныш даъади гьалгыр сыт1ад эккене выгыр ад гвалахакла документ гьазыр гьаъади РД-д тангымыд министерствадид профильный комитетед, экономикадид ва территориальный развитиедид министерствадид са ки счетный палатадид.
«Кьва1дхьусды чтениемыс Комитете йыдкьыр ай 32 поправка, сигыр ад Правительствади заключение вын бадана, йыгыр а публичный хъадацунбыр, иштрак гьыъыр гьама депутаташе, профильный министерствамыд, Счетный палатадид, муниципальный образованиемыд, халкьдид организациемыд ва гьы1лимдид сообществамыд представителеше. 70 процент предложениемыд, йыдкьыд гьазырвалды ваъади кьва1дхьусды чтениемыс, ари кихъийир а законад проекте, мададбыр агъмиш гьаъасды йиъи бюджет кьуле гыргади»,- гьухьур гьание.
Законопроект балана дегиш йишир ай доходмыд суруула ки, ва расходмыд бадана ки. Сиене сыт1а доходбыр бала йишир 27 млрд. 722 млн. манута йыхы1р. Расходбыр ки бала йишир а ва йиъи гьабыр 67 млрд. 995 млн. манут. Федеральный тангабыр республикадид бюджетед доходма сиене сыт1а йиъи 68%. Ху1киметед бырдж йиъи 10 млрд. 855 млн. манут.
Б. МЫХА1ДЫ