22 ноябрес РФ-дид тангымыд министр Антон Силуанов ха1сил йишид арыди Дагъыстанад Кьухьды Рамазан Абдулатиповахьван агъмиш гьыъыр ай республикадид социально-экономический развитиедид суалбыр.
Йишид ихтилатмыкла гьалгади, Рамазан Абдулатипова гьухьур:
«Сахьусды кьул, е агъмиш гьыъыр гвалахбыр, гыргара ад кьуле налогмыд база лаъ йишин бадана, кьуле йыгын Дагъыстан лаъ-хьуъ выгынид приоритетный проект «Обеление экономики». Гъийгъад йыгъа гьагвара а, баласды шегьерма ва районма выгыргара а дюзгюнне эккед гвалах дотационность ц1ам йикисды.
Россиядид тангымыд Министр Антон Силуанова эккед кьимет выр ва йыхана гийкьыр е ваъара ад гвалахахьде».
«Россиядид Президент Владимир Владимирович Путине Дагъыстанас кюмег вияъ хьур ай.
Гьадис гюре ц1амды дегишвалдыбыр йикис республикадид бюджете, бюджетед кредитес кюмег вылц1ара а — мистед сыда ки ва йыкьасды ки. Рухьуд ч1ел виъи, тангымыд кюмег выс хьур федеральный бюджета кредитне мистед сыда ва гьа кюмег балана выс хьур а йыкьасды 2017 сыда ки.
Гьадис гюре тангымыд сураа раха1т йикис Дагъыстанад социально-экономический развитиедис.
Ес гьыъыр ад доверие е ки оправдать гьыъыр йыгара –лаъ-хьуъ выъыр йыгара производство ва бала гьыъыр йыгыра налогмыд база», — гьухьур Рамазан Абдулатипова.
Гьабыр ха1сил дишид арыди гьади генеки иштрак гьыъыр Дагъыстан Республикадид Правительствадид Седри Абдусамад Гамидова ва РД-над тангымыд министр Билал Джахбарова.

Б. МЫХА1ДЫ