Выхадныед наха1н вышед йокшир йыхы1р ва джубрахъуд ислеэнды йыгъа ки 17 октябрес Мыха1д районди джат1ур лугъур экед йиз.
Эгер кьы1дид вахт виъийдин, сурметридыла бала сихьисий джиц1ир йиз. Интернетед хабардихьван, гьава ч1ир викисды ва гьугъалбыр йикисды инсанашис гьац1ара ай гьа йыгьырма, амма мисед балад йиз йикис хьур октябред йыкьа1 секкиние умуд выъыр адиший.
Атабабыере рухьуд йиъий, йыгад гьугъал — берекет виъи хьур. Амма ми вахсызкьадарды йизирире гьыъыр балад джетинвалдыбыр ихьды инсанашис.
Лузур хал-лах гьаъабишды гвалахбыр, сасадбыр бегьем диший картышкьа лухъувгъур ки, кьы1дис выъыр адиший усуд, уголед тедерег. Сасад муькъма, магалма, лукур хукбыр, зиянбыр выр ай тукмыд синмыс ки. Баладбыр я ц1ай адишне, я тук адишне мыкьана адгыр ай. Гъигъе гьыъыр ай сасад садикбыр ки гьа йыгъа. Са ч1илихьван, ми стихия виъи хьус йикиси.
Йиз бала йиъи, йыгъ йыгьала сиг1ын ки бала хъу1гъу1ре а, гьадыла умуд а шабыр, кьырыкьбыр ка1ч1унис руъура, ва ра1хъ-кьул гьигъе вишинис хьедбыр, юхбыр йишир.
Гьаса йишийне, урусад ч1ел дюзды виъи: «Кьы1дид гъа1лер гьы1нне гьазыр гьаъ» — рухьуд.
А. ИБРАГИМОВ