6 сентябрес Дагъыстан Республикадид Кьухьды Рамазан Абдулатиповад хайишдыхьван Махачкалди Дом Дружбадид улихьде гид ма1хлиди вишир ай эккед церемония агитация выгыргасды десант «наша партия-Дагестан!» — хьур рыкъа1 ивис хьур.
Журналистешды улихьде далгыри партиемыд векилер сечкима иштрак гьаъара ад, гьабишихьван сыт1а фракциемыд кьухьдыбыр ки РД-над Халкьдид Маджлисед – Юрий Левицкий («Единая Россия»), Камил Давдиев («Справедливая Россия»), Махмуд Махмудов (КПРФ), Нурмагомед Шанавазов («Патриоты России»).
Акция выгыргара ад виъи йикисды 18 сентябрес 2016 сыда сечкимыд Единый йыгъад бадана, Дагъыстана сес ивебише кет1есды гедене джуьхьды инсанар Российский Федерациедид Федеральный Иджласад Ху1киметед Думади, Республика Дагъыстанад Халкьдид Иджласа, муниципальный образованиемыд представительный органма. Агитациедид десантад иштракчиер ха1р йыгъа дуруъусды йиъи республикади ад районма джама1хтихьван ха1сил дикис хьур. «Наша партия-Дагестан!» хьур лозунг хад агитациедид десант, ха1р са партиедид инсанар кид, къулмыхьван дестикь гьыъыд меморандум «Мы — за честные выборы», РД-над идарамыд суруулад уполномоченный кьухьдыбыр, РД-над Кьухьныйды доверенный инсанар, журналистер, халкьдид организациемыд ва интеллигенциедид представителер дуруъусды йиъи шегьерма ва районма республикади ад сес ивхабишихьван выгыргас хьур гвалах сечкима йыхана иштрак гьыъын бадана. Сахьусды агитдесантад бырдж — гьац1ара гьыъын инсанашис джуьхьды гражданский долг — сечкима иштрак гьыъын. Гьа акция выгыргара ад йиъи сиене партиемыра сыт1ана.